ساۋد ارابياسى رونالدۋ ىسىنە قاتىستى رەسمي شەشىم شىعاردى

استانا. قازاقپارات - فۋتبول جۇلدىزى كريشتيانۋ رونالدۋ ساۋد ارابياسى چەمپيوناتىنداعى ماتچتان كەيىن ادەپسىز قيمىلى ءۇشىن جازالانبايدى.

بۇعان دەيىن رونالدۋ جانكۇيەرلەردىڭ «مەسسي-مەسسي» دەگەن ايعايىنا «ادەپسىز قيمىلىمەن» جاۋاپ بەرىپ، جۇرتشىلىق پورتۋگاليالىقتاردى ەلدەن دەپورتاتسيالاۋدى تالاپ ەتكەن بولاتىن.

بۇقارالىق اقپارات قۇرالدارىنىڭ حابارلاۋىنشا، ساۋد ارابياسى فۋتبول قاۋىمداستىعىنىڭ ءتارتىپ جانە ەتيكا كوميتەتى رەسمي شەشىم شىعارعان.

«ۇيىم وقيعانى زەرتتەپ: «رونالدۋدى جازالاۋدىڭ قاجەتى جوق. فۋتبولشى الەۋمەتتىك جەلىلەردە جاريالانعان ۆيدەولار ەمەس، تەك ماتچتىڭ رەسمي ترانسلياتسياسى عانا قارالعاندىقتان جازادان قۇتىلدى. ماتچتان كەيىن كوميتەت شىعارعان جالعىز ايىپپۇل ەكىنشى تايمنىڭ باسىندا «ال-ناسر» ويىنشىلارىنىڭ الاڭعا كەش شىعۋىنا بايلانىستى 15000 ريال. بۇل جازا شاعىمدانۋعا جاتپايدى»، - دەپ جازادى دەرەككوزدەر. ايتا كەتەيىك، جوعارى جالاقى الاتىن فۋتبولشى ساۋد ارابياسىنداعى جانكۇيەرلەردى اشۋلاندىرىپ قانا قويماي، ماتچ بارىسىندا «قارسىلاسىنا شابۋىل جاساعان».

«ءال-ناسردىڭ» «ءال-حيلالدان» (0:2) ۇتىلىپ، كوش باسىنداعى «ءال-يتتيحادتان» 3 ۇپايعا قالىپ قويدى. رونالدۋ كلۋبى 53 ۇپاي جيناسا، باسەكەلەستەر 56 ۇپايمەن الدا كەلەدى.