ەلىمىزدە ۇلتتىق قۇرامالار جاڭا ەرەجە بويىنشا جاساقتالادى

استانا. قازاقپارات - ەلىمىزدە ۇلتتىق قۇراما كوماندالاردى جاساقتاۋ قاعيداتى وزگەردى.

بۇعان دەيىن تەك چەمپيوندار مەن جۇلدەگەرلەردەن عانا جاساقتالعان بولسا، ەندى قۇراماعا جىلدىڭ باستى رەسپۋبليكالىق جانە حالىقارالىق جارىستارىندا 1 دەن 8 گە دەيىن ورىن العان سپورتشىلار قابىلدانادى.

جاڭا جاساقتاۋ قاعيداتىن ەنگىزۋ ءۇشىن قولدانىستاعى زاڭناماعا تۇزەتۋلەر ەنگىزىلدى.

اتالعان وزگەرىس بوكس، دزيۋدو، گرەك-ريم كۇرەسى، ەركىن كۇرەس، ايەلدەر كۇرەسى، بياتلون، شاڭعى جارىسى، تاەكۆوندو WTF سپورت تۇرلەرىنە قاتىستى.

ءبىز دارىندى سپورتشىلار ءۇشىن ۇلتتىق قۇراما قاتارىنا قوسىلۋ مۇمكىندىگىن ۇلعايتۋىمىز كەرەك دەپ سانايمىز. اسىرەسە، بولاشاعىنان زور ءۇمىت كۇتەتىن، تاجىريبەلى، دارىندى، جاس سپورتشىلار ءۇشىن، ونىڭ ىشىندە اۋىل سپورتشىلارى ءۇشىن بۇل دا ءوزىن-ءوزى دالەلدەۋگە جاقسى مۇمكىندىك. بۇل وزگەرىستەر پايدالى بولادى جانە دۇرىس باسەكەلەستىكتىڭ دامۋىنا ىقپال ەتەدى دەپ ۇمىتتەنەمىز، - دەدى مادەنيەت جانە سپورت ءمينيسترى اسحات ورالوۆ.

سپورتتىق ويىن تۇرلەرىنە دە وسى ءتارتىپ قولدانىلادى، ءبىراق نەگىزگى جانە قوسالقى كوماندالارعا جىلدىڭ باستى رەسپۋبليكالىق جانە حالىقارالىق تۋرنيرلەرىندە 1 دەن 10-ورىنعا دەيىن يەلەنگەن سپورتشىلار شاقىرىلادى.