17:11, 21 - ءساۋىر 2023 | GMT +5
اشۋلى ارابتار رونالدۋدى ەلدەن قۋىپ شىقپاق
استانا. قازاقپارات - «ءال-ناسر» شابۋىلشىسى كريشتيانۋ رونالدۋ ساۋد ارابياسى چەمپيوناتىنىڭ 25-تۋرىنداعى «ءال-حيلالمەن» ماتچتە وعاش ارەكەت جاسادى، دەپ حابارلايدى Vesti.kz.
پورتۋگاليالىق فۋتبولشى الاڭنان شىعىپ بارا جاتقاندا «ءال-ءحيلال» جانكۇيەرلەرى ليونەل مەسسي دەپ ايقايلاي باستادى. بۇعان جاۋاپ رەتىندە رونالدۋ شاتىن ۇستاپ، ادەپسىز قيمىل جاسادى.
Marca مالىمەتىنشە، ادۆوكات نوۋف بين احمەد بۇل وقيعا ءۇشىن كريشتيانۋ روانلدۋدى تۇتقىنداپ، ەلدەن شىعارۋ بويىنشا پروكۋراتۋراعا ارىز جازباق.
«بۇل كوپشىلىك الدىندا ارسىزدىق تانىتۋ قىلمىسى بولىپ سانالادى. ونىڭ جازاسى بويىنشا ادام تۇتقىنعا الىنادى، ال شەتەلدىك بولسا، ەلدەن شىعارىلادى»، - دەيدى زاڭگەر.
