الماتىدا گازبەن جۇمىس ىستەيتىن ج ە س قۇرىلىسى وسى جازدا باستالادى

الماتى. قازاقپارات - بيىل جەو-2 جاڭا گاز ستانتسياسىن جوبالاۋ جانە سالۋ بويىنشا مەردىگەر ايقىندالاتىن بولادى.

بۇل تۋرالى بۇگىن «سامۇرىق- ەنەرگو» باسشىسى سەرىك تۇيتەبايەۆ «سامۇرىق- قازىنا» قورى قوعامدىق كەڭەسىنىڭ وتىرىسىندا ايتتى، دەپ حابارلايدى قازاقپارات ءتىلشىسى.

ەلەكتر ەنەرگەتيكالىق حولدينگ باسشىسىنىڭ ايتۋىنشا، اشىق حالىقارالىق تەندەردىڭ ءبىرىنشى كەزەڭى بارىسىندا 6 ءوتىنىم كەلىپ ءتۇستى. ونىڭ ىشىندە ەكىنشى، قورىتىندى كەزەڭگە 2 كومپانيا ءوتتى.

«تەندەردىڭ جەڭىمپازى وسى جىلدىڭ ەكىنشى توقسانىندا انىقتالادى. قۇرىلىس- مونتاجداۋ جۇمىستارىنىڭ باستالۋى 2023 -جىلدىڭ تامىزىنا بولجانىپ وتىر» ، - دەدى ول.

بۇعان دەيىن الماتىداعى ج ە و-2- ءنى گازعا اۋىستىرۋ ءۇشىن 324 ميلليارد تەڭگە جۇمسالاتىنى تۋرالى جازعان ەدىك.

الماتىنىڭ 2- جىلۋ ەلەكتر ورتالىعىن تولىق گازعا كوشىرۋ جۇمىستارى 2026 -جىلى اياقتالادى.