قياردىڭ پايداسى

استانا. قازاقپارات - جازدا ءسۇيىپ جەيتىن كوكونىستەردىڭ ءبىرى - قياردىڭ پايداسى جايلى ءبىلىپ جۇرىڭىزدەر.

بۇل كوكونىستە اعزامىز قاجەت ەتەتىن پايدالى زاتتاردىڭ باسىم بولىگى جيناقتالعان. ولار: B1، B2، B3، B5، B6، س دارۋمەندەرى، فولي قىشقىلى، كالسي، تەمىر، ماگني، فوسفور، كاليي مەن مىرىش.

اۋىر جۇمىس كۇنىنەن شارشاپ، ۇيگە ارەڭ جەتتىڭىز بە؟ كوفەنى قويا تۇرىڭىز. توڭازىتقىشتان ءبىر بالعىن قياردى تازالاپ، جەپ كورىڭىز. قۇرامىنداعى ۆ دارۋمەندەر توپتاماسى مەن كومىرسۋتەكتەر ءسىزدى بىرنەشە ساعاتقا ەنەرگيامەن قامتاماسىز ەتەدى.

كىشكەنە ءاجىم مەن سەلليۋليتكە قارسى قىمبات كرەمدەردى الۋدىڭ قاجەتى جوق. قياردىڭ ءبىر تىلىمىمىەن تەرىڭىزدى ءسۇرتۋدى ادەتكە اينالدىرساڭىز، بۇل ماسەلەگە قاتىستى كەلەشەكتە ونداي قينالا قويمايسىز. قيار قۇرامىنداعى فيتوحيميالىق زاتتار تەرىنى بەرىك قىلىپ، سەلليۋليت پەن اجىمدەردەن ساقتاپ قالادى.

كەشكە وتىرىسقا بارىپ، كوپ قىدىرىپ، شارشادىڭىز با؟ ۇيقى الدىندا ءبىر قيار جەپ الىڭىز. ول اعزاڭىزدى قاجەتتى مولشەردە قانت، دارۋمەندەر مەن ەلەكتروليتتەرمەن قامتاماسىز ەتەدى. سونىڭ ارقاسىندا تاڭەرتەڭ كوزىڭىز ىسپەي، باسىڭىز اۋىرماي وياناسىز.

ۇيگە شارشاپ كەلدىڭىز بە؟ قياردى تەكشەلەرگە ءبولىپ، قايناپ تۇرعان سۋعا ءبىر قايناتىڭىز. وسى سۋدىڭ بۋىمەن دەم الساڭىز، قيارداعى پايدالى زاتتار بۋمەن بەرىلىپ، بويىڭىزدى سەرگىتەدى.

تۇسكى استان كەيىن قول استىڭىزدا ساعىز تابىلمادى ما؟ قياردىڭ ءبىر ءتىلىمىن تىلىڭىزبەن تاڭدايىڭىزعا جابىستىرىپ، وسىلايشا 30 سەكۋند تۇرا تۇرىڭىز. ناتيجەسىندە اۋىزداعى جاعىمسىز ءيىستى قوزدىراتىن باكتەريالاردان ارىلاسىز.