جاپونيا ساراپشىلارى كوروناۆيرۋس ىندەتىنىڭ توعىزىنشى تولقىنى تۋرالى بولجام جاسادى
ساراپشىلار جاپونيادا بولۋى مۇمكىن كوروناۆيرۋستىڭ توعىزىنشى تولقىنى تۋرالى قۇجات دايىنداعان. ولاردىڭ قاتارىندا ەلدىڭ دەنساۋلىق ساقتاۋ مينيسترلىگى ساراپشىلار كەڭەسىن باسقاراتىن ۆاكيتا تاكادزي جانە توحوكۋ ۋنيۆەرسيتەتىنىڭ پروفەسسورى وسيتاني حيتوسي بار.
قۇجاتتا شەكتەۋلەر ازايعان سوڭ جاپونيانىڭ كوپ بولىگىندە كوروناۆيرۋس جۇقتىرعانداردىڭ كوبەيىپ بارا جاتقانى كورسەتىلگەن. ساراپشىلار اقپان مەن ناۋرىزدا جۇرگىزىلگەن زەرتتەۋلەر قورىتىندىسىن العا تارتادى. ول تۇرعىنداردىڭ %32,1 ى عانا كوروناۆيرۋس جۇقتىرعانىن جانە انتيدەنەلەرى بارىن كورسەتكەن. مامانداردىڭ پىكىرىنشە، انتيدەنەلەرى بار ادامداردىڭ ازدىعى كەلەسى توعىزىنشى تولقىننىڭ وسى قىستا وتكەن سەگىزىنشىسىنەن اۋقىمدى بولاتىنىن مەڭزەيدى.
سونداي-اق، ماماندار ينفەكتسيا تارالعان كەزدە ۆاكتسينا سالدىرعان ادامداردىڭ پايىزدىق ۇلەسى تومەن بولسا، وندا ءولىم-ءجىتىم باسقا ەلدەرگە قاراعاندا كوپ بولاتىنىن ايتادى. اسىرەسە، قارت تۇرعىندارعا اسا ءقاۋىپتى بولۋى مۇمكىندىگىن دە اتاپ وتەدى.
