07:56, 21 - ءساۋىر 2023 | GMT +5
ادام ءولتىردى دەپ ايىپتالعان اكتەر الەك بولدۋين اقتالدى
استانا. قازاقپارات - ادام ءولتىردى دەپ ايىپتالعان امەريكالىق اكتەر الەك بولدۋين اقتالدى. بۇل تۋرالى ونىڭ ادۆوكاتتارى ءمالىم ەتتى، دەپ حابارلايدى قازاقپارات Washingtonpost-قا سىلتەمە جاساپ.
«الەك بولدۋينگە قاتىستى ءىستىڭ جابىلۋى تۋرالى شەشىمگە ريزامىز جانە وسى قايعىلى وقيعانىڭ فاكتىلەرىن تيىسىنشە تەرگەۋگە شاقىرامىز»، - دەپ مالىمدەگەن اكتەردىڭ ادۆوكاتتارى ليۋك نيكاس پەن الەكس سپيرو.
ەسكە سالساق، سانتا-فە قالاسىنىڭ (نيۋ-مەكسيكو شتاتى) ماڭىندا جۇرگىزىلگەن «توت» ۆەستەرنىنىڭ ءتۇسىرىلىمى كەزىندە وپەراتور گالينا حاتچينس قايتىس بولعان ەدى. ونى پروديۋسەر جانە كارتيناداعى باستى ءرولدى سومداۋشى، تانىمال گولليۆۋد اكتەرى الەك بولدۋين بايقاۋسىزدا اتىپ العان. وسى وقيعاعا بايلانىستى الەك بولدۋينگە ايىپ تاعىلدى. ءتۇسىرىلىم الاڭىنداعى قارۋ-جاراققا جاۋاپتى حاننا گۋتەررەس-ريدكە دە وسىنداي ايىپ تاعىلاتىنى حابارلانعان بولاتىن.
ايتا كەتسەك، فيلمنىڭ ءتۇسىرىلىمى وسى اپتادا مونتانادا جالعاسىپ، بولدۋين اكتەر ءارى پروديۋسەر رەتىندە الاڭعا ورالۋى مۇمكىن.
