ۇلتتىق پانتەونعا جەرلەنەتىندەر ۇستانعان دىنىنە قاراي بولىنبەيدى
قوعامدىق كەڭەستە دەپۋتاتتار قۇزىرلى ورگان وكىلدەرىنە ەلىمىزگە ەڭبەگى سىڭگەن تۇلعالاردى پانتەونعا جەرلەۋ ءۇشىن دىنىنە بايلانىستى ۋچاسكەلەرگە ءبولۋ قانشالىقتى ورىندى ەكەنىن سۇرادى.
بۇعان قاتىستى استانا قالاسىنىڭ وتىن-ەنەرگەتيكا كەشەنى جانە كوممۋنالدىق شارۋاشىلىق باسقارماسىنىڭ باسشىسى مارسەل ۇزاقوۆ جاۋاپ بەردى.
«ءبىز تەك تاپسىرىس بەرۋشىمىز، ادامداردى جەرلەمەيمىز. پانتەون - بۇل قازاقستاننىڭ كورنەكتى قايراتكەرلەرى جەرلەنەتىن قاراپايىم زيرات ەمەس. سوندىقتان وندا جەرلەنەتىن تۇلعالاردى دىنىنە بايلانىستى بولۋگە بولمايدى دەپ شەشىم قابىلداندى. ءبىزدىڭ ەلىمىز زايىرلى مەملەكەت»، - دەدى م. ۇزاقوۆ.
ەسكە سالساق، تاياۋدا ۇكىمەت قاۋلىسىنىڭ جوباسى كوپشىلىك تالقىلاۋعا شىعارىلدى. جاڭا ەرەجەگە ساي، ەندى ۇلتتىق پانتەونعا ەل پرەزيدەنتتەرىنىڭ وتباسى مۇشەلەرى جەرلەنبەيدى. دەگەنمەن مەملەكەت باسشىلارىنىڭ جۇبايى مەن زايىبىن اتالعان ورىنعا جەرلەۋگە رۇقسات ەتىلەدى.
