اتىراۋلىق الىپ جىگىت ەلىمىزدىڭ رەكوردتار كىتابىنا ەنەدى
بۇل تۋرالى بۇگىن، 20-ساۋىردە قازاقستان رەكوردتار كىتابىنىڭ رەسمي وكىلى قۋاندىق قۇدايبەرگەنوۆ ءمالىم ەتتى.
ول «تاڭشولپان» باعدارلاماسىنىڭ ستۋدياسىندا الىپ جىگىتتىڭ بويىن ولشەدى. كورسەتكىش - 218,5 س م.
«پاراسات نۇرعاليەۆ قازاقستان رەكوردتار كىتابىنا «ەلمىزدەگى ەڭ الىپ ادام» رەتىندە ەنەدى. ءبىر ەرەكشەلىگى، ونىڭ اياعىنىڭ ولشەمى بولىپ وتىر. قازىر اياعىنىڭ ولشەمى - 56 س م. بۇل دا رەكوردتتار كىتابىنا تىركەلەدى» ، - دەپ ءمالىم ەتتى قۋاندىق قۇدايبەرگەنوۆ.
قازىر ەڭ الىپ جىگىت - پاراسات نۇرعاليەۆ يندەر اۋدانىنىڭ قۇرىلىس اۋىلىندا اناسىمەن بىرگە تۇرادى.
تۇراقتى جۇمىسى جوق. قۇرىلىس سالاسىندا ءارتۇرلى جۇمىس ىستەيدى.
بوس ۋاقىتىندا جايىق وزەنىنەن بالىق اۋلاعاندى ۇناتادى.
«اناشىمنىڭ ايتۋىنشا، مەن ومىرگە كەلگەندە، سالماعىمدا دا، بويىمدا دا ەرەكشەلىك بايقالماپتى. اعالارىم مەن اپايىم دا ورتا بويلى، مەن سياقتى ەمەس. الايدا، اجەم ءىرى سۇيەكتى بولعان ەكەن. اكەم دە ۇزىن بويلى، كەڭ يىقتى، ءىرى ساۋساقتى بولىپتى» ، - دەيدى پاراسات نۇرعاليەۆ.
ونىڭ ايتۋىنشا، بويى 6-سىنىپتا وقىپ جۇرگەندە وسە باستاعان. كيىمدەرى قىسقارىپ، اياعىنىڭ ولشەمى ۇلكەيگەن.
ال، 9-10-سىنىپتاردا 50 ولشەمدى اياقكيىم تابۋ قيىنعا سوققان. 2014 -جىلى مەكتەپتى بىتىرگەندە، سالماعى 120 كەلىگە جەتىپ، بويى 2 مەتر بولعان.
«مەنىڭ دەنساۋلىعىمدا ەش كىنارات جوق. بويىمنىڭ ۇزىندىعى دا، سالماعىمنىڭ اۋىرلىعى دا ءجۇرىس- تۇرىسىما كەدەرگى كەلتىرمەيدى. كيىم مەن اياقكيىمدى ارنايى تاپسىرىسپەن تىكتىرەمىن» ، - دەپ كۇلەدى الىپ جىگىت.
ەسكە سالا كەتەلىك، بۇدان بۇرىن اتىراۋ وبلىسىندا بويى - 2 مەتر 15 س م، اياعىنىڭ ولشەمى - 56 س م الىپ جىگىت تۇراتىنىن جازعان ەدىك.
