كانەلومەن جاتتىعاتىن قازاق بوكسشى ساتقىندىق تۋرالى سۇراققا جاۋاپ بەردى

استانا. قازاقپارات - ورتا سالماقتا ونەر كورسەتەتىن قازاقستاندىق بوكسشى ءابىلحان امانقۇل (3-0، 3 ك و) Vesti.kz تىلشىسىنە ساۋل كانەلو الۆارەستىڭ (58-2-2، 39 ك و) كارەراسىنداعى ءرولى تۋرالى ايتىپ بەردى.

قازاق بوكسشى مۇنى ساتقىندىقپەن ەش قاتىسى جوعىن ايتتى.

«اركىمنىڭ ءوز جولى بار. ءبىزدىڭ جولىمىز كانەلومەن ءوتىپ جاتىر. ءبىر زالدا جاتتىعامىز. ءبىراق ءبىز ونىڭ قاسىندا جۇرگەنىمىزبەن مەكسيكا ەمەس، قازاقستان تۋىن كوتەرەمىز. قازىرگى تاڭدا كانەلو بىزگە جاقسى كومەك بەرىپ جاتىر. ول ءۇشىن ۇلكەن العىس»، - دەيدى ءابىلحان.