رەسەيدە وقيتىن قازاقستاندىق ستۋدەنت ءوز ەركىمەن اسكەري كومپانياعا كەلىسىمشارتقا وتىرعان –س ءى م

استانا. قازاقپارات - رەسەيدە ءبىلىم الىپ جاتقان قازاقستاندىق ستۋدەنت ءوز ەركىمەن جەكە اسكەري كومپانيامەن كەلىسىمشارتقا وتىرعان.

بۇگىندە اقپاردىڭ قانشالىقتى راس ەكەنى انىقتالىپ جاتىر. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.

«قولدا بار مالىمەتكە سايكەس، اتالعان قازاقستان ازاماتى چ ۆ ك ۆاگنەر (رەسەيلىك مەملەكەتتىك ەمەس قارۋلى قۇرىلىم) جەكە اسكەري كومپانياسىمەن ءوز ەركىمەن كەلىسىمشارتقا وتىرعان. ماسكەۋدەگى قازاقستان رەسپۋبليكاسىنىڭ ەلشىلىگى جاس جىگىتتىڭ تۋىستارىنىڭ ءوتىنىشى بويىنشا رەسەي فەدەراتسياسىنىڭ قۇزىرەتتى ورگاندارىنا ساۋال جولدادى. اقپارات تەكسەرىلىپ جاتىر. كونسۋل ستۋدەنتتىڭ تۋىستارىمەن تۇراقتى بايلانىستا»، - دەدى ايبەك سمادياروۆ.

ەسكە سالساق، بۇعان دەيىن باق بەتتەرى مەن الەۋمەتتىك جەلىلەردە رەسەيدىڭ تومبى مەملەكەتتىك ۋنيۆەرسيتەتىندە وقىپ جاتقان 23 جاسار قازاقستاندىق ستۋدەنتتىڭ ءىز-ءتۇسسىز كەتكەنى جايلى اقپارات تاراعان ەدى.

جەرلەسىمىزدى چ ۆ ك ۆاگنەر (رەسەيلىك مەملەكەتتىك ەمەس قارۋلى قۇرىلىم) جەكە اسكەري كومپانياسى قۇرامىنا ماجبۇرلەپ كىرگىزدى دەگەن بولجام دا ايتىلدى.