اۋە نارىعىنداعى مونوپوليادان جولاۋشىلار زارداپ شەگىپ كەلەدى - مارات وماروۆ

استانا. قازاقپارات - بۇگىن استانادا وتكەن باسەكە تۋرالى فورۋمدا باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى مارات وماروۆ اۋە تاسىمالى نارىعىنداعى مونوپوليا تۋرالى ايتتى، دەپ حابارلايدى قازاقپارات.

ونىڭ ايتۋىنشا، بۇل نارىقتا سۇرانىس پەن ۇسىنىستى تولىق باقىلايتىن مەملەكەتتىك كومپانيالار توبى - ۇلتتىق اۆياتاسىمالداۋشى جانە ونىمەن ۇلەستەس كومپانيالار باسىم.

مەملەكەتتىڭ قاتىسۋىمەن اۆياكومپانيالاردىڭ اكتيۆتەرىن ءبولۋ ماسەلەسى ءالى كۇنگە دەيىن ءوز شەشىمىن تاپپاعان.

«ناتيجەسىندە، نارىقتىڭ قولدانىستاعى قۇرىلىمى باعا باسەكەسى، شىعىنداردى وڭتايلاندىرۋ ءۇشىن ىنتالاندىرۋدى ازايتادى. بۇل رەيستەردىڭ جۇيەلى كەشىگۋىنە جانە باعا وسىمىنە اكەلەدى، ناتيجەسىندە تۇتىنۋشىلار زارداپ شەگەدى. قولدانىلاتىن ديناميكالىق باعا مونوپوليالىق نارىقتا جۇمىس ىستەمەيدى»، - دەيدى اگەنتتىك باسشىسى.

مىسالى، اۆياكومپانيانىڭ ەڭ جوعارى تاريفى ءبىر مارشرۋت بويىنشا ەڭ تومەنگى تاريفتەن 4,5 ەسە اساتىن رەيستەر بار (67743/14743 ت گ).

سوندىقتان، قازىرگى جاعدايدا نارىققا جاڭا اۆياتاسىمالداۋشىلارعا قول جەتكىزۋ ءۇشىن «اشىق اسپان» رەجيمىن كۇشەيتۋ ماسەلەسى قاراستىرىلىپ جاتىر.