استاناداعى نازاربايەۆ اشقان ءزاۋلىم مەشىتتى كىم قارجىلاندىرادى
جۋرناليستەر ەرۇلان جاماۋبايەۆتان ەڭ ۇلكەن عيماراتقا جوندەۋ جۇمىستارى كىمنىڭ ەسەبىنەن جۇرگىزىلىپ جاتقانىن سۇرادى. بۇعان دەيىن مەشىتكە ەكس-پرەزيدەنت نۇرسۇلتان نازاربايەۆ پەن ونىڭ كەڭسەسى دەمەۋشىلىك جاساعان دەگەن قاۋەسەت تاراعان بولاتىن.
«مەنىڭ بىلۋىمشە، بۇل مەشىت استانانىڭ جەرگىلىكتى بيۋجەتىنەن قارجىلاندىرىلادى، سوندىقتان سولاردان سۇراڭىز. جەرگىلىكتى مەشىتتەردى ۇستاۋعا رەسپۋبليكالىق بيۋجەتتەن اقشا بولمەيمىز»، - دەدى مينيستر.
بىلتىر 12- تامىزدا استانادا قازاقستان مەن ورتالىق ازياداعى ەڭ ۇلكەن مەشىت اشىلدى. ونى قازاقستاننىڭ ەكس-پرەزيدەنتى نۇرسۇلتان نازاربايەۆ اشتى. مەشىت جەر تەلىمىنىڭ اۋدانى - 10 گەكتار. ۇلكەن كۇمبەزدىڭ بيىكتىگى - 83,2 مەتر، ديامەترى - 62 مەتر. مەشىتتە ءتورت مۇنارا بار. ءارقايسىسىنىڭ بيىكتىگى - 130 مەتر. بۇعان دەيىن مەشىت قۇرىلىسىنا نازاربايەۆتار اۋلەتى مەن ەلىمىزدىڭ باسقا دا ەليتاسى قارجى بولگەنى حابارلاندى.
