ساڭىراۋقۇلاق پەن جەمىس-جيدەك تەرگەندەر سالىق تولەيدى
«مۇنداي الىم ءتۇرى بۇرىن دا بولعان. وسىعان دەيىن بۇرىن وسى تالاپ تەك ەرەكشە قورعالاتىن ايماقتاردا، ياعني ۇلتتىق پارك، قورىقتاردىڭ اۋماعىندا تارالعان ەدى. ال ەندى بارلىق جەردە قولدانىلماق. ەكىنشىدەن، جاڭا نورمانىڭ قاراپايىم حالىققا قاتىسى جوق. بۇل تۇرعىدا سالىق ءونىمدى كوپ كولەمدە جينايتىن، دارىلىك پرەپاراتتار جاسايتىن نەمەسە كوممەرتسيالىق ماقساتتا پايدالاناتىن كاسىپكەرلەرگە قاتىستى»، - دەدى ە. جاماۋبايەۆ ماجىلىستە تىلشىلەر سۇراعىنا جاۋاپ بەرە وتىرىپ.
وسى ورايدا تىلشىلەر «كوپبالالى وتباسىلار بالالارىنا كيىم الۋ ماقساتىندا جيدەك تەرىپ، ونى ساتقان جاعدايدا، سالىق سالىنا ما؟» دەپ سۇرادى.
«بۇل جاعدايلاردا سالىق سالىنبايدى. ونى قاراپايىم حالىق تولەمەيدى»، - دەپ ناقتىلادى مينيستر.
اتاپ ايتقاندا، 2024-جىلدان باستاپ ەلىمىزدە ساڭىراۋقۇلاق پەن جيدەك تەرگەنى ءۇشىن كەيبىر ازاماتتارعا سالىق قاراستىرىلعان.
