جاڭاوزەن قالاسىندا بولعان توتەنشە جاعداي سالدارىنان باسپاناسىز قالعان وتباسىلارعا پاتەر بەرىلدى
بۇل تۋرالى قازاقپارات ۇلتتىق كومپانيانىڭ باسپا ءسوز قىزمەتىنە سىلتەمە جاساپ حابارلايدى.
«بۇل وتە اۋىر جاعداي. سىزدەردىڭ قايعىلارىڭىزعا ورتاقپىز، مىقتى بولىڭىزدار. باستارىڭىزعا سىناق تۇسكەن كەزدە ءبىز شەت قالماي، پرەزيدەنتتىڭ تىكەلەي تاپسىرماسىمەن باسپاناسىز قالعان وتباسىلارعا پاتەر الىپ بەردىك. وسىنداي سىن ساعاتتا سىزدەر ءۇشىن قولىمىزدان كەلگەندى جاساپ جاتىرمىز»، - دەدى ق م گ باسشىسى كوز جۇمعان تۇرعىنداردىڭ تۋىستارىنا كوڭىل ايتا كەلە.
قازىرگى ۋاقىتتا توتەنشە جاعداي سالدارىنان باسپاناسىز قالعان 9 وتباسىعا جانۇياداعى ادام سانىنا بايلانىستى ەكى بولمەلى 2 پاتەر، ءۇش بولمەلى 5 جانە بەس بولمەلى 2 پاتەر ساتىپ الدى.
وسىعان دەيىن جاڭاوزەندە تۇرعىن ۇيدە جارىلىس بولىپ، 11 ادام زارداپ شەككەنى حابارلاندى. كەيىنىرەك وسى وقيعا بويىنشا قىلمىستىق ءىس قوزعالدى.
