قاراعاندى وبلىسىندا سەگىز ينتەرنەت-الاياق ۇستالدى

قاراعاندى. قازاقپارات - قاراعاندى وبلىسىندا پوليتسەيلەر ءبىرقاتار ينتەرنەت-الاياقتاردىڭ قىلمىستىق ارەكەتىن اشكەرەلەدى.

ۇستالعاندار قاماۋعا الىنىپ، كەيىن سوتتالادى، دەپ حابارلايدى قازاقپارات ءتىلشىسى.

جىل باسىنان بەرى قاراعاندى وبلىسى بويىنشا ينتەرنەت-الاياقتىقتىڭ 508 دەرەگى تىركەلگەن. كريمينالدىق پوليتسيا قىزمەتكەرلەرى جەدەل ءىس-شارالار بارىسىندا ءبىرقاتار قىلمىستار جاساعانى ءۇشىن 8 ادامدى انىقتاپ، ۇستادى.

«مىسالى، وساكاروۆ اۋدانىندا 25 جاستاعى كۇدىكتى ۇستالدى، ول ىستەگەن ءىسىن مويىندادى. ول الاياقتىق جولمەن وساكاروۆكا اۋىلىنىڭ تۇرعىندارىنا ونلاين نەسيە راسىمدەگەن. قىلمىستىق ءىس 12 دەرەك بويىنشا قوزعالدى، جالپى شىعىن 12 ميلليون تەڭگەنى قۇرادى. قاراعاندىدا توعىز رەت الاياقتىق جاسادى دەگەن كۇدىكپەن 24 جاستاعى ەر ادام ۇستالدى»، - دەپ مالىمدەدى قاراعاندى وبلىسى پ د باستىعىنىڭ ورىنباسارى ءابىل ءابىلدين.

ءتارتىپ ساقشىلارى قاراعاندىلىقتاردى ساق بولۋعا شاقىردى. ەگەر سىزگە بەلگىسىز نومىردەن قوڭىراۋ شالىپ، قانداي دا ءبىر قارجىلىق وپەراتسيالار جاساۋدى ۇسىنسا، ول اداممەن بىردەن اڭگىمەنى ءۇزۋ كەرەك.

«ينتەرنەت-الاياقتارعا الدانباس ءۇشىن تەلەفونعا بەلگىسىز قوسىمشالاردى جۇكتەمەڭىزدەر. ەگەر سىزگە بەلگىسىز ادامدار قوڭىراۋ شالىپ، بانك قىزمەتكەرىمىن دەپ تانىستىرسا، دەرەۋ جاقىن جەردەگى پوليتسيا بولىمىنە نەمەسە بانك بولىمشەسىنە حابارلاسىڭىز»، - دەپ كەڭەس بەرەدى پوليتسيا دەپارتامەنتى باسشىسىنىڭ ورىنباسارى.