كوروناۆيرۋستىڭ جاڭا نۇسقاسى مامىردا ءورشۋى مۇمكىن - ماماندار
بۇل تۋرالى رەسەيدىڭ «روسپوترەبنادزور» مەكەمەسىنىڭ باسشىسى اننا پوپوۆا مالىمدەدى، دەپ جازادى قازاقپارات رەسەيلىك تاسس اقپارات اگەنتتىگىنە سىلتەمە جاساپ.
«ۆيرۋستىڭ بۇل ءتۇرى الدىنداعىلارعا قاراعاندا تەز جۇعادى. كەز كەلگەن كىشكەنتاي جاناسۋ ينفەكسيا ءتۇسىپ، اۋرۋدىڭ دامۋىنا ىقپال ەتەدى. ءبىز بۇل ۆيرۋستى ءالى دە زەرتتەپ جاتىرمىز، ءبىراق شەتەلدىك عالىمداردىڭ پىكىرىنشە، ول بۇرىن قالىپتاسقان يممۋنيتەتتى اينالىپ ءوتۋى مۇمكىن»، - دەدى پوپوۆا.
ونىڭ ايتۋىنشا، اۋرۋ تۇماۋ سياقتى وتەدى، ناۋقاستى اۋرۋحاناعا جاتقىزۋ قاجەت بولماۋى دا مۇمكىن.
روسپوترەبنادزور باسشىسىنىڭ ايتۋىنشا، ونىڭ بولىمشەسى مامىر ايىنىڭ سوڭىندا COVID-19 نۇسقاسى «اركتۋردىڭ» ءورشۋ قاۋپىن بولجاپ وتىر.
«دەنساۋلىق ساقتاۋ جۇيەسى شامادان تىس جۇكتەمەلەرگە دايىن. ءبىز مامىر ايىنىڭ سوڭىنا قاراي اۋرۋدىڭ ودان ءارى ءورشۋ قاۋپىن كورىپ وتىرمىز. ەندى دەمالىس باستالادى، بارلىعى جينالادى جانە بۇل ۆيرۋس سوندا ءورشۋى ابدەن مۇمكىن»، - دەدى پوپوۆا.
ونىڭ ايتۋىنشا، قازىر رەسەيدە كوروناۆيرۋستىڭ «اركتۋر» نۇسقاسىن جۇقتىرۋدىڭ ءتورت جاعدايى راستالدى.
«وميكروننىڭ» جاڭا مۋتاتسياسى بولىپ تابىلاتىن «اركتۋر» قازىرگى كەزدە ءۇندىستاندا ءجيى كەزدەسەدى، دەپ اتاپ ءوتتى روسپوترەبنادزور باسشىسى.
وسىعان دەيىن ۇلى بريتانيادا كوروناۆيرۋستىڭ جاڭا شتامى انىقتالعانىن جازدىق.
