شەكاراشىلار ءبىر كولىكتى نەشە مينۋت تەكسەرە الادى
ۇلتتىق قاۋىپسىزدىك كوميتەتى ءتوراعاسىنىڭ ورىنباسارى - شەكارا قىزمەتىنىڭ ديرەكتورى ەرلان الداجۇمانوۆ سەنات كۋلۋارىندا وسىنداي مالىمەت كەلتىردى، دەپ حابارلايدى قازاقپارات ءتىلشىسى.
«نورماتيۆ بويىنشا كەز كەلگەن كولىك وتكىزۋ بەكەتىندە ادامدى تەكسەرۋدىڭ رەگلامەنتى 3 مينۋتكە دەيىن دەپ بەلگىلەنگەن. جەڭىل اۆتوكولىككە 15 مينۋتكە دەيىن، جۇك كولىگىنە 30 مينۋتكە دەيىن جانە اۆتوبۋستارعا جولاۋشىنىڭ كوپتىگىن ەسكەرىپ، 45 مينۋتكە دەيىن رەگلامەنت كوزدەلگەن»، - دەدى ەرلان الداجۇمانوۆ.
شەكارا قىزمەتىنىڭ ديرەكتورى بۇل رەگلامەنت شەكارا قىزمەتىنە عانا قاتىستى ەكەنىن ەسكەرتتى.
«نورماتيۆ بارىنشا قىسقارتىلعان دەپ ايتۋعا بولادى. زاڭنامانى بۇزباۋ ءۇشىن ءبىر ادامدى تەكسەرۋگە شاشامەن 1 مينۋت كەتەدى. ويتكەنى ادامنىڭ ءتولقۇجات دەرەكتەرى تەكسەرىلەدى. مۇنداي ءنورماتيۆتى ورىنداۋ مۇمكىن بولىپ وتىر دەۋگە كەلەدى»، - دەدى ۇ ق ك وكىلى.
