دانيال احمەتوۆ وزىنە «تيەسىلى» جەرلەر تۋرالى سۇراققا جاۋاپ بەردى
ونىڭ ايتۋىنشا، مۇنىڭ ءبارى - بوس ءسوز، - دەپ حابارلايدى Massaget.kz ءتىلشىسى.
بۇگىن شىعىس قازاقستان وبلىسىنىڭ اكىمى دانيال احمەتوۆ ۇكىمەت وتىرىسىنان كەيىن جۋرناليستەردىڭ سۇراقتارىنا جاۋاپ بەردى. جۋرناليستەر اكىمنەن ەكس-ءماجىلىس دەپۋتاتى بەرىك دۇيسەمبينوۆتىڭ «وسكەمەندەگى جەردىڭ بارلىعى ش ق و اكىمىنە تيەسىلى» دەگەن ءسوزىن بوس ساندىراق دەپ اتادى.
«ءبىر دەپۋتات وسكەمەندەگى جەردىڭ بارلىعى ماعان تيەسىلى ەكەنىن ايتتى. بۇل - بوس ساندىراق، باسقا ەشتەڭە ەمەس. ەشتەڭە راستالمادى. سوندىقتان مەنىڭ باسپا ءسوز قىزمەتىم، جەر قاتىناستارى كوميتەتى بۇل سۇراققا جان-جاقتى جاۋاپ بەردى»، - دەدى دانيال احمەتوۆ.
ەسكە سالايىق، ايماقتارداعى جەر اكىمدەرگە تيەسىلى دەگەن مالىمدەمەنى ەكس-دەپۋتات بىلتىر جەلتوقساندا ايتقان بولاتىن. اكىمشىلىك قۇقىقبۇزۋشىلىق تۋرالى كودەكسكە ەنگىزىلگەن وزگەرىستەردى تالقىلاۋ بارىسىندا ماجىلىسمەن بەرىك دۇيسەمبينوۆ اۋىل شارۋاشىلىعى ءمينيسترى ءوز بايانداماسىندا مەملەكەت مەنشىگىنە قايتارىلعان جەرلەردىڭ قوجايىندارىن اشىق ايتپاعانىن ايتتى.
