اتا جولى كارتاسىمەن ەلگە ورالعان قانداستارعا قانداي مۇمكىندىكتەر بەرىلەدى

استانا. قازاقپارات - ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتى ءتوراعاسىنىڭ مىندەتىن اتقارۋشى ءىلياس يسپانوۆ قانداستاردى ەلگە قايتارۋدىڭ جاڭا ءادىسى تۋرالى ايتىپ بەردى، دەپ حابارلايدى قازاقپارات ءتىلشىسى.

«جاقىندا پارلامەنتتە الەۋمەتتىك كودەكس تالقىلاندى. ونىڭ اياسىندا ەلىمىزدە «اتا جولى» كارتاسى بەرىلەتىن بولدى. اتالعان كارتانى العان قانداستار قازاقستاندا 10 جىل تۇرۋعا رۇقسات الادى. سول ارقىلى وتانىندا ەڭبەك ەتىپ، بيزنەس اشىپ، تىرشىلىك ەتۋىنە مۇمكىندىك بار. بۇل - شەتەلدەگى قانداستاردى وتانعا قايتارۋدىڭ ءبىر جولى. بۇل باستامانى قولعا الاردا شەتەل تاجىريبەسىن قاراستىردىق. الەمنىڭ ءبىراز ەلىندە (ا ق ش، ۇلى بريتانيا، ب ا ءا، تۇركيا، جاپونيا، ەۋرووداق ەلدەرى ت. ب.) وسى سەكىلدى مۇمكىندىكتەر بار»، - دەدى ءىلياس يسپانوۆ و ك ق- دە وتكەن بريفينگىدە.

كوشى-قون كوميتەتىنىڭ مالىمەتىنشە، شەتەلدەگى وتانداستارىمىز ەلگە ورالىپ، ءوز كاسىبىن دوڭگەلەتە الادى.

«اتا جولى» كارتاسىمەن ەلگە ورالعان قانداستارعا ازاماتتىق بەرۋ جاعى دا قاراستىرىلعان. ايتا كەتەتىن جايت، اتالعان جوبا ارقىلى كەلگەن قانداستاردىڭ سايلاۋعا قاتىسۋعا جانە سايلانۋعا قۇقىعى جوق»، - دەيدى ول.