ەلوردالىق بالالار اراسىندا قىزىلشا مەن ا گەپاتيتىن جۇقتىرۋ جيىلەدى - سارحات بەيسەنوۆا

استانا. قازاقپارات - بيىل ەلورداداعى بالالار اراسىندا ا ۆيرۋستىق گەپاتيتى مەن قىزىلشا جۇقتىرۋ دەرەكتەرى تىركەلىپ جاتىر.

مۇنى استانا قالاسىنىڭ باس مەملەكەتتىك سانيتاريالىق دارىگەرى سارحات بەيسەنوۆا ايتتى، دەپ حابارلايدى قازاقپارات ءتىلشىسى.

«بيىل 3 ايدىڭ قورىتىندىسى بويىنشا 1 جاسقا دەيىنگى، 1 جاستاعى جانە 6-7 جاس ارالىعىنداعى بالالار مەن 16-17 جاس ارالىعىنداعى جاسوسپىرىمدەر بارلىق ينفەكتسيالارعا قارسى د د ۇ- نىڭ تالاپ ەتىلەتىن مەجەسىنە ساي ەكپە الدى. ءبىراق، بۇل رەتتە ا ۆيرۋستىق گەپاتيتىنىڭ تىركەلگەن 48 جاعدايىنىڭ 11 ءى ۆاكتسينا الماعان بالالار اراسىندا بولدى. اتا- انالار كوبىنە پروفيلاكتيكالىق ەكپەلەردەن باس تارتادى. 2 جاستاعى بالالارعا ا ۆيرۋستىق گەپاتيتىنە قارسى يممۋنداۋ 2006 -جىلدان باستاپ جەرگىلىكتى بيۋدجەت قاراجاتىنان جۇرگىزىلىپ كەلە جاتىر. وسى ارالىقتا ا ۆيرۋستىق گەپاتيتىمەن سىرقاتتانۋشىلىق 22,2 ەسە تومەندەدى»، - دەپ توقتالدى سارحات بەيسەنوۆا.

ونىڭ ايتۋىنشا، 2 جىل قاتار ەلوردادا قىزىلشا تىركەلمەگەن. ال بيىل ناۋرىز ايىنان باستاپ اتالعان اۋرۋدىڭ 7 جاعدايى انىقتالدى. وعان اتا- انالاردىڭ بالالارىنا قىزىلشاعا قارسى ەكپە سالدىرۋدان باس تارتۋى سەبەپ.

سونىمەن قاتار، استانا قالاسىنىڭ باس مەملەكەتتىك سانيتاريالىق دارىگەرى ەلوردادا رەسەي ازاماتىنان دەنگە بەزگەگى انىقتالعانىن ايتتى.