استانادا قۇرىلىس باسىندا كران قۇلاپ كەتتى

استانا. قازاقپارات - استانادا كران قۇلادى، دەپ حابارلايدى قازاقپارات توتەنشە جاعدايلار مينيسترلىگىنىڭ ونەركاسىپتىك قاۋىپسىزدىك كوميتەتىنە سىلتەمە جاساپ.

19-ءساۋىر تاڭعى ساعات 09:25 شاماسىندا استانا قالاسى اقىن سارا كوشەسى، 53 مەكەنجايىندا ورنالاسقان Inshaat Invest ج ش س «كىرىكتىرىلگەن ءۇي- جاي مەن پاركينگى بار كوپپاتەرلى تۇرعىن ءۇي كەشەنى» قۇرىلىس ۋچاسكەسىندە جۇكتى كوتەرۋ كەزىندە QTZ-63 مۇنارا كرانىنىڭ سەكسياسى بۇزىلدى.

كراننىڭ يەسى - كاپيتال ج ك.

زارداپ شەككەندەر جوق.

اۆاريانىڭ الدىن الا سەبەبى - شامادان تىس جۇكتەمە.

قازىرگى ۋاقىتتا وقيعا ورنىندا ونەركاسىپتىك قاۋىپسىزدىك كوميتەتىنىڭ استانا قالاسى بويىنشا دەپارتامەنتىنىڭ قىزمەتكەرلەرى جۇمىس ىستەپ جاتىر.

دەپارتامەنت پەن جەرگىلىكتى اتقارۋشى ورگاندار وكىلدەرىنىڭ جانە باسقا دا مۇددەلى تۇلعالاردىڭ قاتىسۋىمەن اۆاريانى تەرگەۋ جونىندەگى كوميسسيا قۇرىلادى.

تەرگەۋ ناتيجەسى قوسىمشا حابارلانادى.