مۇلىك يەلەرى بىرلەستىگى رەفورماسىندا قاتتى قاتەلىككە ۇرىنعان سياقتىمىز - پرەزيدەنت
«پروبلەمالاردىڭ تاعى ءبىرى - بۇل قالالاردىڭ اباتتاندىرىلۋى. بۇل ماسەلەمەن بارلىق دەڭگەيدەگى اكىمدەر اينالىسۋى ءتيىس. وڭىرلەردىڭ دامۋ دەڭگەيىن الەۋمەتتىك-ەكونوميكالىق فاكتورلارمەن قاتار عيماراتتاردىڭ سىرتقى كەلبەتى، ولاردىڭ سانيتارلىق نورمالارعا سايكەستىگى، اۋماقتىڭ كوگالداندىرىلۋى، قوعامدىق كەڭىستىكتىڭ جاي-كۇيى، بالالارعا ارنالعان سپورتتىق الاڭداردىڭ بولۋى جانە باسقا دا ماسەلەرمەن ايقىندالاتىندىعى بەلگىلى»، - دەدى پرەزيدەنت.
مەملەكەت باسشىسى قوعامدا تۇرعىن ءۇي قورىن ءتيىمدى باسقارۋ ماسەلەسى دە وتە بەلسەندى تالقىعا تۇسەتىندىگىنە باسا نازار اۋدارتتى.
«مۇلىك يەلەرى بىرلەستىگى ينستيتۋتىن ەنگىزۋگە باعىتتالعان رەفورما سوڭىنا دەيىن جەتكىزىلگەن جوق. بۇعان قوسا، مۇلىك يەلەرى بىرلەستىكتەرىمەن قاتار پاتەر يەلەرى كوپپەراتيۆتەردى دە ءالى جۇمىس ىستەپ تۇر. ءبىز وسى مۇلىك يەلەرى بىرلەستىگى رەفورماسىندا قاتتى قاتەلىككە ۇرىنعان سياقتىمىز. قازىرگى ۋاقىتتا مۇنى ۇنەمى كىم ۇسىنعانىن ايتۋ كەش. ءبىراق، ءقازىر ۇكىمەت اكىمدەرمەن بىرگە وسى جاعدايدان شىعۋ جولىن تابۋى ءتيىس. ويتكەنى، جاعداي بارىنشا كۇردەلى. مۇنداي جاعدايداعى باستى مىندەت - ادامداردى ساپالى ءارى اشىق قىزمەتتەرمەن قامتاماسىز ەتۋ مىندەتى ورىندالماۋدا. بۇعان قوسا، اتالعان رەفورما جەرگىلىكتى ءوزىن ءوزى باسقارۋ جۇيەسىندە ءبىرىنشى ساتىنى قۇرۋدى كوزدەگەن ەدى. سوندىقتان وسىناۋ مىندەتتى لايىقتى نازاردان تىس قالدىرۋعا بولمايدى. جالپى، تەڭگەرىمدى ينفراقۇرىلىمدىق ساياسات قاجەت»، - دەدى قاسىم-جومارت توقايەۆ.
ايتا كەتەيىك، ۇكىمەت ۇيىندە پرەزيدەنت توراعالىعىمەن ەلدىڭ الەۋمەتتىك-ەكونوميكالىق دامۋ ماسەلەلەرى جونىندە كەڭەس ءوتىپ جاتىر.
