تابىستى قازاقستاننان تاۋىپ، شەتەلدە شاشۋ ادەتىنەن ارىلۋ كەرەك - توقايەۆ
«مەملەكەتتىڭ قولداۋىنا يە بولىپ وتىرعان ءىرى بيزنەس وكىلدەرى ايرىقشا ءرول اتقارادى. «تابىستى وسى جەردەن تاۋىپ، شەتەلدە شاشۋ» ادەتىنەن ارىلۋ كەرەك. ەسەسىنە، ەلدەگى الەۋمەتتىك ماسەلەلەردى شەشۋگە كوبىرەك ۇلەس قوسۋعا ۇمتىلعان ءجون.
ءىرى كاسىپكەرلەر قازاقستاندا تاپقان تابىسىن باسقا جاقتا ەمەس، ءوز ەلىمىزدەگى بيزنەسىن دامىتۋعا جۇمساعانى ابزال. جۇمىسىن وسى تالاپقا بەيىمدەي العان ءىرى كاسىپكەرلەر ناعىز ۇلتتىق بيزنەس- ەليتاعا اينالادى. حالىقتىڭ قۇرمەتىنە بولەنىپ، مەملەكەتتىڭ قورعاۋى مەن قولداۋىنا يە بولادى»، - دەدى مەملەكەت باسشىسى.
قاسىم-جومارت توقايەۆ بۇل باعىتتا ەلگە تىڭ كۇشتەر كەرەكتىگىن باسا ايتتى.
«سونىمەن قاتار، بىزگە «كاسىپكەرلەردىڭ جاڭا تولقىنى» كەرەك. مەملەكەتتىڭ رەسۋرسىنا ارقا سۇيەمەي، بويىنداعى دارىنى مەن ىسكەرلىگى ارقىلى تۇراقتى ءارى مىقتى كاسىپ قۇرا بىلگەن «تىڭ كۇشتەر» قاجەت»، - دەدى پرەزيدەنت.
ايتا كەتەيىك، ۇكىمەت ۇيىندە پرەزيدەنت توراعالىعىمەن ەلدىڭ الەۋمەتتىك-ەكونوميكالىق دامۋ ماسەلەلەرى جونىندە كەڭەس ءوتىپ جاتىر.
