التاي كولگىنوۆ بيىل جاردەماقىلار قالاي، قانشاعا وسەتىنىن ايتتى

استانا. قازاقپارات - پرەمەر-ءمينيستردىڭ ورىنباسارى التاي كولگىنوۆ ۇكىمەتتىڭ كەڭەيتىلگەن كەڭەسىندە بيىل جاردەماقىلار قالاي، قانشاعا وسەتىنىن ايتتى، دەپ حابارلايدى قازاقپارات ءتىلشىسى.

«جىل باسىنان بەرى مۇگەدەكتىگى بار جانە اسىراۋشىسىنان ايىرىلعان 900 مىڭعا جۋىق ادام الاتىن الەۋمەتتىك جاردەماقى مولشەرى 8,5 پايىز ءوستى. ال ءبىرىنشى شىلدەدەن باستاپ ءسىزدىڭ تاپسىرماڭىز بويىنشا بۇل تولەمدەر تاعى 14,5 پايىز وسەدى. سوندا بيىل جىلدىق ءوسىم 23 پايىز بولادى»، - دەدى التاي كولگىنوۆ.

ونىڭ ايتۋىنشا، جىل باسىنان بەرى 1 ميلليون 200 مىڭ ادامنىڭ ايلىعى 30 پايىز وسكەن.

«ءبىرىنشى قىركۇيەكتەن باستاپ 380 مىڭنان استام ستۋدەنتتىڭ شاكىرتاقىسى 20 پايىز، كوللەدجدەردە 50 پايىز ارتادى. مەملەكەتتىك قولداۋدىڭ الەۋمەتتىك شارالارى 4400 مىڭ قازاقستاندىققا اسەر ەتتى. ءسىزدىڭ باستاماڭىز بويىنشا دەپوزيتتەرگە 10 پايىز وتەماقى تولەۋ شاراسىنىڭ اياسىندا ناۋرىز ايىندا 2 ميلليون 600 مىڭ سالىمشىعا 307 ميلليارد تەڭگە تولەندى»، - دەدى ۇكىمەت باسىشسىنىڭ ورىنباسارى.

ايتا كەتەيىك، ۇكىمەت ۇيىندە پرەزيدەنت توراعالىعىمەن ەلدىڭ الەۋمەتتىك- ەكونوميكالىق دامۋ ماسەلەلەرى جونىندە كەڭەس ءوتىپ جاتىر.