پاۆلودار وبلىسىنداعى ينتەرناتتىڭ تاربيەشىلەرى وقۋشىلاردى توبەلەستىرىپ قىزىقتاعان
بۇل اتا-انا شاعىمىنان سوڭ اشكەرەلەندى، - دەپ حابارلايدى ك ت ك تەلەارناسى.
جەرگىلىكتى تۇرعىننىڭ سوزىنشە، ينتەرنات تاربيەشىلەرى تارتىپكە باعىنباعان وقۋشىلاردى ەرەسەكتەرىنە ۇرعىزعان. ول جايىندا ءجابىر كورگەن قىز اناسىنا ايتىپ بەرىپتى. ال مونيتور ارقىلى قىزداردىڭ جاعا جىرتىسقان ءساتىن تاماشالاعانداردىڭ اراسىندا مەكەمە باسشىسى دا بار كورىنەدى.
ءبىراق ءبىلىم باسقارماسى بۇل دەرەكتى تەرىسكە شىعاردى، ءتىپتى وقۋشىلاردىڭ نە ءۇشىن توبەلەسكەنىن دا تۇسىندىرە المادى. قازىر بۇل ىسپەن پوليتسيا اينالىسىپ جاتىر.
«ءبىلىم باسقارماسىمەن قىزمەت تەكسەرىسى ءجۇرىپ جاتىر. مەكتەپ ينتەرناتى مەن تاربيەشىسى تارتىپتىك جازاعا تارتىلدى. سونىمەن قاتار اتالمىش وقيعا بويىنشا تەرەڭكول اۋدانىنىڭ پوليتسيا بولىمىندە بۇل جاعداي تىركەلدى»، - دەدى پاۆلودار وبلىسى ءبىلىم باسقارماسىنىڭ باس مامانى جىبەك ايتمۇحانبەتوۆا.
