كۋبانىڭ ۇلتتىق تەلەارناسىندا ديماشقا ارنالعان باعدارلاما شىقتى

استانا. قازاقپارات - كۋبانىڭ Canal Clave تەلەارناسىندا تولىعىمەن ديماش قۇدايبەرگەنگە ارنالعان باعدارلاما شىقتى، دەپ حابارلايدى قازاقپارات dimashnews.com سايتىنا سىلتەمە جاساپ.

Sueno Bonito مۋزىكالىق باعدارلاماسىنىڭ پرەمەرالىق شىعارىلىمىندا ءانشىنىڭ ءومىرى مەن شىعارماشىلىق جولى تۋرالى ايتىلدى.

ەسكە سالا كەتەيىك، بۇل - ديماشتىڭ جانكۇيەرلەرىنىڭ ەرەكشە ىقىلاسىنىڭ ارقاسىندا كۋبا تەلەارناسىندا ءبىرىنشى رەت كورسەتىلۋى ەمەس.

2020 -جىلدىڭ مامىر ايىندا ديماش العاش رەت Adagio انىمەن كۋبانىڭ Cubavisin ۇلتتىق تەلەارناسىنىڭ De la gran Escena («ۇلى ساحنا») باعدارلاماسىندا العاش رەت اتاپ وتىلگەن ەدى. ال، اراعا ءبىر جىل سالىپ ءدال سول باعدارلامادا ديماشتىڭ تانىمال Olimpico كومپوزيتسياسى ورىندالدى.

2023 -جىلدىڭ 15-ساۋىرىندە ديماش كۋبا تەلەديدارىندا Sueno Bonito («ادەمى ارمانداڭىز») مۋزىكالىق باعدارلاماسىنىڭ شىعارىلىمىندا قايتا پايدا بولدى. بۇل جولى قازاقستاندىق تالانتتى ءانشى ديماش قۇدايبەرگەنگە 45 مينۋتتىق شىعارىلىم ارنالدى.