كولىك ساتۋ تۋرالى جالعان حابارلاندىرۋلار جاريالاعان كوكشەتاۋ تۇرعىنى ۇستالدى
بۇگىنگى تاڭدا كۇدىكتىنىڭ الاياقتىقتىڭ ءۇش فاكتىسىنە قاتىسى بار ەكەنى انىقتالدى، ال جابىرلەنۋشىلەر ەلىمىزدىڭ ءار ءوڭىرىنىڭ تۇرعىندارى بولىپ شىقتى.
وسى جىلدىڭ ءۇش ايى ىشىندە كوكشەتاۋ پوليتسياسىنا اۆتوكولىكتەردى ساتۋ تۋرالى جالعان حابارلاندىرۋلار ورنالاستىرعان ينتەرنەت- الاياقتاردىڭ ارەكەتىنەن زارداپ شەككەن ازاماتتاردان بىرنەشە ءوتىنىش تۇسكەن.
«تارتىمدى» باعالى اۆتوكولىكتى ساتۋ تۋرالى ۇسىنىستى جابىرلەنۋشىلەر كولەسا. KZ تانىمال جارناما سايتىنان كورىپ، كەيىن كولىك يەسىمەن بايلانىسقا شىققان.
الماتىنىڭ 33 جاستاعى تۇرعىنىنىڭ ايتۋىنشا، ول Hyundai Tucson اۆتوكولىگىن ساتىپ الماق بولىپ حابارلاندىرۋ اۆتورىمەن بايلانىسىپ، ساتىپ الۋ- ساتۋ مامىلەسى تۋرالى كەلىسكەننەن كەيىن يەسى حابارلاندىرۋدى سايتتان الىپ تاستاۋ ءۇشىن الدىن الا تولەم جاساۋدى وتىنگەن. كەلىنشەك كورسەتىلگەن شوتقا 50 مىڭ تەڭگە اۋدارعان سوڭ كولىك يەسى بايلانىسقا شىعۋدى توقتاتقان.
وسىعان ۇقساس وتىنىشتەر الماتى وبلىسى مەن قاراعاندى قالاسىنىڭ تۇرعىندارىنان ءتۇستى. بارلىق دەرەكتەر بويىنشا پوليسەيلەر ق ر ق ك- ءنىڭ 190-بابى (الاياقتىق) بويىنشا سوتقا دەيىنگى تەرگەپ- تەكسەرۋدى باستادى. كيبەرقىلمىسپەن كۇرەس ءبولىمىنىڭ قىزمەتكەرلەرى جەدەل- ىزدەستىرۋ ءىس- شارالارى كەشەنىن وتكىزدى، ناتيجەسىندە جالعان حابارلاندىرۋلاردىڭ اۆتورى - كوكشەتاۋدىڭ 27 جاستاعى تۇرعىنى ۇستالدى.
ۇستاۋ كەزىندە جەدەل قىزمەتكەرلەر زاتتاي دالەل رەتىندە ۇيالى تەلەفوندار مەن 60 SIM كارتانى تاۋىپ الىپ، تاركىلەدى. پوليتسەيلەر ۇيالى تەلەفونداردى تەكسەرگەن كەزدە قۇنى 17,2 ميلليون تەڭگە بولاتىن اۆتوكولىكتى ساتۋ تۋرالى جالعان حابارلاندىرۋ ورنالاستىرىلعان اككاۋنت تاۋىپ الدى. قازىرگى ۋاقىتتا جابىرلەنۋشىگە قاتىستى قاجەتتى تەرگەۋ شارالارى جۇرگىزىلۋدە، الاياقتىق ارەكەتتەردەن زارداپ شەككەن باسقا جابىرلەنۋشىلەر بەلگىلەنىپ جاتىر.
