سۋرەتىڭىزدى الەۋمەتتىك جەلىدە بىرەۋ پايدالانسا نە ىستەۋ كەرەك؟ زاڭگەر كەڭەسى
الايدا الەۋمەتتىك جەلىلەردە ءتۇرلى ماقساتتا بىرەۋدىڭ سۋرەتىن نەمەسە ۆيدەوسىن پايدالاناتىن دا ادامدار از ەمەس. ەگەر بىرەۋ ءسىزدىڭ سۋرەتىڭىزدى نەمەسە ۆيدەوڭىزدى پايدالانىپ جۇرگەنىن بايقاپ قالساڭىز، بۇل كەزدە نە ىستەي الاسىز؟
بۇل سۇراققا زاڭگەر دۇيسەنعالي مۋحامەديار نۇرعالي ۇلى ءوزىنىڭ ينستاگرام پاراقشاسىندا جاۋاپ بەردى.
زاڭگەردىڭ ايتۋىنشا، ءسىز ول ادامعا ارىز جازىپ، فوتو نەمەسە ۆيدەونى وشىرتە الاسىز.
«ەگەر ءسىزدىڭ فوتو نەمەسە ۆيدەوڭىزدى بىرەۋلەر پايدالانىپ، ونى اقپاراتتىق جەلىگە سالعان بولسا، بۇعان زاڭ قالاي قارايدى؟ بۇل جەردە ساسپاۋ كەرەك. ياعني، ازاماتتىق كودەكسىنىڭ 145-بابىنىڭ تالاپتارىنا سايكەس ءسىزدىڭ فوتو نەمەسە ۆيدەوڭىزدى ءسىزدىڭ رۇقساتىڭىزسىز ەشكىمگە پايدالانۋعا قۇقىق جوق! بۇل ازاماتتىق قۇقىق كودەكسىنىڭ 145-بابىنىڭ تالاپتارىنا سايكەس تالاپ ارىز جازىپ، ول فوتو نەمەسە ۆيدەونى ءوشىرتىپ، جانە سىزگە كەلتىرىلگەن ءمورالدى زالالدى وندىرۋگە مۇمكىندىگىڭىز بار»، - دەيدى زاڭگەر مۋحامەديار نۇرعالي ۇلى ۆيدەودا.
