اتىراۋ اۋاسىندا كۇكىرتتى سۋتەك پەن كومىرتەگى وكسيدى تاعى دا نورمادان اسىپ كەتتى

اتىراۋ. قازاقپارات - اتىراۋدا كۇكىرتتى سۋتەك پەن كومىرتەگى وكسيدىنىڭ نورمادان اسقانى تىركەلدى، دەپ حابارلايدى قازاقپارات.

وبلىستىق ەكولوگيا دەپارتامەنتى باسپا ءسوز قىزمەتىنىڭ مالىمەتىنشە، اۋا ساپاسىن باقىلايتىن 34 ستانسا بار.

ونىڭ ىشىندە «قازگيدرومەت» ا ق وڭىرلىك فيليالىنىڭ بالانسىنا 11 ستانسا الىنعان.

ال 4 ستانسا اتىراۋ مۇناي وڭدەۋ زاۋىتىنا تيەسىلى بولسا، 19 ستانساعا «نورت كاسپيان وپەرەيتينگ كومپاني» كومپانياسى يەلىك ەتەدى.

دەپارتامەنت باسشىسىنىڭ ورىنباسارى سىرىم تىلەگەنوۆتىڭ دەرەگىنە جۇگىنسەك، اۋاداعى جاعىمسىز ءيىس 24-ناۋرىزدا بىلىنە باستاعان.

ماسەلەن، بۇگىن، 18-ساۋىردە «ۆوستوك» شاعىناۋدانىنداعى ستانسادا كۇكىرتتى سۋتەگىنىڭ مولشەرى ءبىر تەكشە مەترگە 8,6 م ك گ بولىپ تىركەلگەن.

ال، باسقا شاعىن اۋدانداردا بۇل كورسەتكىش 2-3,8 م ك گ ارالىعىندا بولعان.

اۋا ساپاسىنىڭ ناشارلاۋىنا اسەر ەتەتىن كومىرتەگى وكيسدىنىڭ مولشەرى دە نورمادان اسقانىن بايقاۋعا بولادى.

«نۇرسايا» شاعىن اۋدانىنداعى اۋا ساپاسىن باقىلايتىن ستانسادا تەكشە مەترگە 3293 م ك گ مولشەرىن كورسەتىپ تۇر.

مۇنداي نورمادان تىس جوعارى كونسەنتراتسيالار قالانىڭ وزگە شاعىناۋداندارىندا دا بايقالعان. ونىڭ ىشىندە ازوت ديوكسيدى دە بار.

ەسكە سالا كەتەلىك، بۇعان دەيىن اتىراۋ تۇرعىندارى اۋاداعى ساسىق يىسكە شاعىمدانعانىن جازعان ەدىك.

اۋا ساپاسىن تەكسەرگەن ەكولوگتار اتىراۋ اۋاسىندا كۇكىرتتى سۋتەك شەكتى نورمادان اسىپ كەتكەنىن انىقتادى.

كەيىن كاسپي جاعالاۋىندا جانعان قامىس ءتۇتىنى اتىراۋدى باسىپ قالدى.

وسىعان بايلانىستى اتىراۋلىق تۇرعىن كوشەگە پروتيۆوگاز كيىپ شىقتى.

ال كاسپي جاعالاۋىند جانعان قامىس ءورتى 5 كۇننەن سوڭ ءسوندىرىلدى.