جايىلىمدى كيىكتەن قورعاۋ ءۇشىن ۇركىتەتىن نىساندار سالىنىپ، قۇدىقتار قازىلادى

استانا. قازاقپارات - پرەمەر- مينيستر ءاليحان سمايىلوۆ سەنات دەپۋتاتتارىنىڭ ساۋالىنا جولداعان جاۋابىندا جايىلىمداردى كيىكتەردەن قورعاۋ باعىتىندا قانداي شارالار قابىلداناتىنىن ايتتى، دەپ حابارلايدى قازاقپارات ءتىلشىسى.

«جايىلىمداردى كيىكتەن قورعاۋ ماسەلەسىن شەشۋ ءۇشىن قازىرگى ۋاقىتتا قورقىتۋ قۇرىلىستارىن ورناتۋ ماسەلەسى پىسىقتالىپ جاتىر. بۇل اۋىل شارۋاشىلىعى جەرلەرىن بۇلىنۋدەن قورعاۋعا مۇمكىندىك بەرەدى. سونىمەن قاتار، تاۋارلىق داقىلداردى كيىكتەردىك بۇلىنۋدەن قورعاۋ ماقساتىندا كيىك ءۇشىن ولاردىڭ تابيعي مەكەندەۋ ورىندارىندا جاساندى سۋارۋ قۇدىقتارىن قۇرۋ جوسپارلانعان»، - دەپ جازادى ۇكىمەت باسشىسى.

سونداي- اق، كيىك سۋاتى رەتىندە جاساندى سۋ قويمالارى سالىنباق.

«وسىلايشا، قۇدىقتار مەن باسقا دا جاساندى سۋ قويمالارىنىڭ قوسىمشا جەلىسىن سالۋ كيىكتەردىڭ سانىن شولەيت ايماقتىڭ اۋماعىنا بىركەلكى بولۋگە مۇمكىندىك بەرۋى كەرەك، بۇل جانۋارلاردىڭ ەگىنشىلىك ايماعىنا وتۋىنە كەدەرگى كەلتىرەدى»، - دەپ جازىلعان جاۋاپتا.