قازاقستاندا تەلەفون بايلانىسى تاريفى قىمباتتادى

استانا. قازاقپارات - «دياپازون» باسىلىمىنا تۇرعىنداردىڭ ءبىرى تەلەفون بايلانىسى تاريفىن وزگەرگەنى تۋرالى ايتقان.

«قازاق تەلەكوم» ا ق بۇعان قاتىستى پىكىر ءبىلدىردى، - دەپ حابارلايدى Massaget.kz ءتىلشىسى.

«بۇرىن پوشتادا تەلەفونعا 1000 تەڭگە تولەيتىنمىن. ءبىراق اقپانعا 1200 تەڭگە تولەدىم، بۇل تەك ءۇي تەلەفونى ءۇشىن. تاريف وزگەردى مە؟» - دەپ ن. ەسىمدى اقتوبەلىك تۇرعىن باسىلىمعا ساۋال جولداعان.

«قازاق تەلەكوم» ا ق سۇراۋعا جاۋاپ رەتىندە 449№ «قازاق تەلەكوم» ا ق كورسەتەتىن قىزمەت پاكەتتەرىنە تاريفتەردىڭ ءوسۋى تۋرالى» بۇيرىعىنا سايكەس 2023-جىلعى 1- اقپاننان باستاپ نەگىزگى تەلەفون ءۇشىن ابونەنتتىك تولەم وزگەرىپ، 1199 تەڭگە بولعانىن حابارلاعان.

«2023-جىلعى 20- ناۋرىزدا «169» انىقتاما قىزمەتىنىڭ ءۇش رەت قىزمەت كورسەتۋى ءۇشىن ن. ابونەنتتىڭ ناۋرىزداعى ەسەبى - 2159,96 تەڭگە، بۇل - 1199 تەڭگە جانە 960,96 تەڭگە - ابونەنتتىك تولەم»، - دەپ ءتۇسىندىردى باتىس ءوڭىرىنىڭ В2С سەگمەنتىنىڭ كوممەرتسيالىق ديرەكتورى م. امانتاي.