16:28, 18 - ءساۋىر 2023 | GMT +5
الماتىعا قار جاۋدى
الماتى. قازاقپارات - الماتىنىڭ تاۋ بوكتەرىندە جاۋىن-شاشىنمەن بىرگە قار جاۋدى، دەپ حابارلايدى قازاقپارات ءتىلشىسى.
ءساۋىردىڭ ەكىنشى جارتىسىندا قار جاۋعانى - الماتى ءۇشىن سيرەك قۇبىلىس.
تۇرعىندار الەۋمەتتىك جەلىدە فوتو مەن ۆيدەولارىن جاريالادى. سونداي-اق الماتى وبلىسىنىڭ تالعار اۋدانىندا دا قار جاۋدى.
بۇعان دەيىن الماتى قالاسىنىڭ توتەنشە جاعدايلار دەپارتامەنتى «قازگيدرومەتتىڭ» مالىمەتىن ەسكەرە وتىرىپ 18- ءساۋىر كۇنى الماتىدا كۇن سۋىتىپ، قار جاۋۋى مۇمكىن ەكەنىن حابارلاعان بولاتىن.
تۇنگى ۋاقىتتا اۋا رايىنىڭ كۇرت سالقىنداۋىنا بايلانىستى قۇتقارۋشىلار تۇرعىن ءۇيدى گاز پليتاسىمەن جىلىتپاۋ، ەلەكتر جەلىلەردى شامادان تىس پايدالانباۋ كەرەكتىگىن ەسكە سالدى.
