سۋداندا ا ق ش ديپلوماتتارىنا وق اتتى

استانا. قازاقپارات - سۋداندا ا ق ش ديپلوماتتارىنىڭ كولىگىنە وق اتىلدى. بۇل تۋرالى جاپونيادا «ۇلكەن جەتىلىك» ەلدەرى سىرتقى ىستەر مينيسترلەرىنىڭ كەزدەسۋىندە مەملەكەتتىك حاتشى ەنتوني بلينكەن مالىمدەدى.

بۇعان دەيىن حارتۋمداعى ەۋرووداق ەلشىسى، يرلانديالىق ديپلومات ەيدان و'حاراعا شابۋىل جاسالعان بولاتىن. سۋداندا 3 كۇننەن بەرى اسكەر مەن «تەز قولداۋ كورسەتۋ كۇشتەرى» جاساعى اراسىندا قارۋلى قاقتىعىس بولىپ جاتىر. بىرىككەن ۇلتتار ۇيىمى قاقتىعىستان 180 نەن استام ادام قازا تاپتى دەپ حابارلادى. 1800 دەن استامى جاراقات العان. اراسىندا بەيبىت تۇرعىندار كوپ.

ەنتوني بلينكەن، ا ق ش مەملەكەتتىك حاتشىسى:

- كەشە ءبىزدىڭ ديپلوماتتاردىڭ كولىگىنە وق اتىلدى. ءبىزدىڭ ادامدار ءدىن امان. بۇل اقىلعا سىيمايتىن، جاۋاپسىز جانە وتە قاۋىپتى ارەكەت.

www.24.kz