تۇركىستان وبلىسىندا ۇشەم دۇنيەگە كەلدى

تۇركىستان. قازاقپارات - تۇركىستان وبلىسىندا ۇشەم دۇنيەگە كەلدى، دەپ حابارلايدى قازاقپارات ءتىلشىسى.

تۇركىستان وبلىسىنىڭ 2№ وبلىستىق پەريناتالدىق ورتالىعىندا ۇشەم دۇنيەگە كەلدى. بايدىبەك اۋدانىنىڭ تۇرعىنى 2 پەرزەنتىنەن سوڭ، 3 ۇل بوسانىپ، باتىر انا اتاندى.

جاڭا تۋعان نارەستەلەرگە ارسلان، اليحان، اسىلحان ەسىمدەرى بەرىلدى. ولاردىڭ سالماعى 1290 گرام، 1230 گرام جانە 1115 گرام. مەرزىمىنەن ەرتە دۇنيەگە كەلگەن ۇشەم پەريناتالدىق ورتالىق دارىگەرلەرىنىڭ باقىلاۋىنا الىنعان. مەديتسينا قىزمەتكەرلەرى انا مەن بالالارىنا كومەك كورسەتىپ، ءتيىستى شارالاردى قابىلدادى. بالالاردىڭ جاعدايى جاقسى.

بۇگىن پەريناتالدىق ورتالىقتىڭ مەديتسينا قىزمەتكەرلەرى اناسى مەن نارەستەلەرگە مىقتى دەنساۋلىق تىلەپ، ۇيىنە شىعارىپ سالدى.

ايتا كەتەيىك، بۇل جىل باسىنان بەرى تۇركىستان وبلىسىندا دۇنيەگە كەلگەن ءۇشىنشى ۇشەم. بۇدان الدىن سارىاعاش جانە تۇركىستان قالاسىنىڭ تۇرعىندارى ومىرگە ۇشەم الىپ كەلگەنىن جازعان بولاتىنبىز.