جامبىل وبلىسىنان شەتەلگە كوشكەندەر كوبەيىپ كەلەدى
جامبىل وبلىستىق پوليتسيا دەپارتامەنتىنە باعىنىستى كوشى-قون قىزمەتى باسقارماسى باستىعىنىڭ ورىنباسارى، پوليتسيا پودپولكوۆنيگى جاراس ساتبەرگەنوۆتىڭ ايتۋىنشا، قونىس اۋدارعانداردىڭ 42 سى رەسەيگە، 23 ى قىرعىز ەلىنە جانە 12 سى گەرمانياعا كوشكەن. وزگەلەرى ازەربايجان، ۇلى بريتانيا، گرەكيا، تۇركيا، وزبەكستان، تۇركىمەنستان مەملەكەتتەرىن تاڭداعان.
ال بىلتىر وبلىستىڭ 784 تۇرعىنى ەل اۋماعىنان تىس جەرگە كوشۋگە ءوتىنىش بەرگەن.
جالپى، رەسمي مالىمەتتەرگە سۇيەنسەك، سىرتقا كەتكەن ازاماتتاردىڭ ەڭ جوعارعى كورسەتكىشى وبلىستا 1989 -جىلدان باستاپ، 1996 -جىلعا دەيىنگى كەزەڭدە تىركەلگەن. سول جىلدان باستاپ 2016 -جىلعا دەيىن بۇل كورسەتكىش ءبىرشاما تۇراقتاعان. ءبىراق، سوڭعى 2-3 جىل كولەمىندە شەكارا اسىپ، قونىس اۋدارۋشىلار قاتارى قايتا كوبەيگەن.
ايتا كەتەيىك، بۇعان دەيىن ءبىز جامبىل وبلىسىندا ءۇش ايدا 13 ازامات ۇلتىن اۋىستىرۋعا ءوتىنىش بەرگەنىن جازعان بولاتىنبىز.
سونداي-اق، جالپى، وبلىستا انىقتاما دەرەكتەرىن وزگەرتۋ ءۇشىن 528 ادام ءوتىنىش بىلدىرگەن. ونىڭ ىشىندە 501 ازامات تەگىن اۋىستىرعىسى كەلسە، 14 ى تۋعان كۇنى مەن جىلىن وزگەرتۋدى قالاعان. 13 ى ءتىپتى، وزگە ۇلت وكىلى اتانعىسى كەلگەن.
