07:55, 18 - ءساۋىر 2023 | GMT +5
ەكى قىتايلىق اگەنت دەگەن كۇدىكپەن نيۋ-يوركتە ۇستالدى
نيۋ-يورك. قازاقپارات – ا ق ش-تىڭ فەدەرالدى تەرگەۋ بيۋروسى اگەنت بولۋى ىقتيمال كۇدىگىمەن ەكى قىتايلىقتى ۇستادى.
ال امەريكاداعى ديسسيدەنتتەردىڭ ىزىنە ءتۇسىپ، ولاردى ءتىس جارماۋعا ماجبۇرلەدى، نيۋ-يوركتە قۇپيا پوليتسيا ۋچاسكەسىن باسقاردى دەگەن كۇدىكپەن وزگە ونداعان ادامعا ەلدىڭ فەدەرالدى پروكۋراتۋراسى ايىپ تاعىپ وتىر. قازاقپارات بۇل تۋرالى CNN-گە سىلتەمە جاساپ حابارلايدى.
ا ق ش پروكۋرورىنىڭ نيۋ-يوركتىڭ شىعىس وكرۋگىندەگى وكىلى دجون مارزۋلليدىڭ سوزىنشە، قىتاي كۆارتالىندا پوليتسيا وپەراتسياسىنا زاڭسىز قاتىسقان ەكى ادام دۇيسەنبى كۇنى قاماۋعا الىندى. ولار نيۋ-يورك سوتىنىڭ الدىندا جاۋاپ بەرەدى دەپ كۇتىلۋدە.
«ايىپتالۋشىلار مانحەتتەندەگى «دەكلاراتسيالانباعان پوليتسيا ۋچاسكەسىن» باسقارعان»، - دەدى د. مارزۋللي.
