جاڭاوزەندەگى جارىلىسقا قاتىستى سوڭعى مالىمەتتەر جاريالاندى
ت ج م مالىمەتىنشە، وقيعا ورنىندا ءورت ورىن العان جوق، جارىلىس سالدارىنان 150 شارشى مەتر كىرەبەرىس قيرادى. جارىلىس كەزىندە 4 پاتەر زارداپ شەكتى.
«قۇتقارۋشىلار ۇيىندىلەردىڭ استىنان 4 امان قالعان ادام مەن 4 ادامنىڭ دەنەسىن الىپ شىقتى. قازىرگى ۋاقىتتا 6 ادام اۋرۋحانادا ەم الۋدا.
ت ج د- دا جەدەل شتاب قۇرىلىپ، جەدەل جەلى تەلەفونى 87292319099 قىزمەت كورسەتۋدە»، - دەپ جازدى ۆەدومستۆودان.
وقيعا ورنىنا ت ج د باستىعى پولكوۆنيك مۇرات مۇحانوۆ باردى.
ۇيىندىلەردى تالداۋ بويىنشا جەدەل جۇمىستارعا 40 قا جۋىق تەحنيكا مەن 350 گە جۋىق ادام، سونىڭ ىشىندە كينولوگيالىق ەسەپ، ۇلتتىق ۇلاننىڭ اسكەري قىزمەتشىلەرى، جەرگىلىكتى اتقارۋشى ورگاندار، جەدەل مەديتسينالىق كومەك، پوليتسيا، ەرىكتىلەر جۇمىلدىرىلدى.
ساعات 18.15 تە بارلىق اۆاريالىق-قۇتقارۋ جانە ۇيىندىلەردى تالداۋ جۇمىستارى اياقتالدى.
قازىرگى ۋاقىتتا جاڭاوزەن قالاسىنىڭ اكىمدىگى كوميسسيا قۇردى. وسى كوميسسيا ورىن العان جارىلىستىڭ ءمان-جايىن انىقتاپ، كەلتىرىلگەن زالالدى انىقايتىن بولادى.
