اتوم ەنەرگياسى جونىندەگى حالىقارالىق اگەنتتىكتىڭ باس ديرەكتورى قازاقستانعا كەلەدى
بۇل تۋرالى ب ا ق وكىلدەرىمەن وتكەن بريفينگىدە س ءى م رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«18- ساۋىردە اتوم ەنەرگياسى جونىندەگى حالىقارالىق اگەنتتىكتىڭ باس ديرەكتورى رافاەل ماريانو گروسسي جۇمىس ساپارىمەن قازاقستانعا كەلەدى. ساپار بارىسىندا مەملەكەت باسشىسىمەن، ق ر سىرتقى ىستەر، ەنەرگەتيكا جانە دەنساۋلىق ساقتاۋ مينيسترلەرىمەن كەزدەسەدى، سونداي-اق وسكەمەندەگى ءۇلبى مەتاللۋرگيا زاۋىتىنىڭ اۋماعىندا ورنالاسقان اگەنتتىكتىڭ از بايىتىلعان ۋران بانكىنە بارادى»، - دەپ ءمالىم ەتتى ۆەدومستۆونىڭ رەسمي وكىلى ايبەك سمادياروۆ.
ول سونىمەن بىرگە قازاقستاندىق دەلەگاتسيا 18-19- ءساۋىر ارالىعىندا جەنيەۆادا وتەتىن ب ۇ ۇ- نىڭ ەۋروپالىق ەكونوميكا كوميسسياسىنىڭ 70- سەسسياسىنا قاتىساتىنىن ايتتى.
جيىننىڭ تاقىرىبى - ەۋروپالىق ەكونوميكالىق كوميسسيا وڭىرىندەگى ورنىقتى دامۋ مۇددەسى ءۇشىن سيفرلىق جانە جاسىل ترانسفورماتسيا.
