21:57, 17 - ءساۋىر 2023 | GMT +5
قازاقستانعا رەسەيلىك ميگرانتتاردىڭ تاعى ءبىر لەگى كەلۋى مۇمكىن بە
استانا. قازاقپارات –س ءى م رەسمي وكىلى ايبەك سمادياروۆ ب ا ق وكىلدەرىمەن وتكەن بريفينگىدە قازاقستانعا كەلۋى مۇمكىن رەسەيلىك ميگرانتتار جايىندا پىكىر ءبىلدىردى، دەپ حابارلايدى قازاقپارات ءتىلشىسى.
«مەن ول ەلدىڭ ازاماتتارىنىڭ ويىندا نە بار ەكەنىن بىلمەيمىن. ءبىز وعان بولجام دا جاساي المايمىز. سىزدەر رەسەيلىكتەردىڭ العاشقى لەگى كەلگەن كەزدەگى جاعدايدى بىلەسىزدەر. كەلسە، كۇتىپ الامىز»، - دەپ جاۋاپ بەردى ايبەك سمادياروۆ جۋرناليستەردىڭ ساۋالىنا.
ەسكە سالايىق، بىلتىر 21- قىركۇيەكتە رەسەي پرەزيدەنتى ۆلاديمير پۋتين ءىشىنارا موبيليزاتسيا جاريالادى.
وسىعان وراي رەسەيلىكتەر شەكارالاس مەملەكەتتەرگە، ونىڭ ىشىندە قازاقستانعا دا جاپپاي اعىلا باستادى.
قوسا كەتەيىك، بۇعان دەيىن ايبەك سمادياروۆ قازاقستان مەن قىتاي اراسىندا ورناۋى مۇمكىن ۆيزاسىز رەجيمگە تۇسىنىك بەرگەن بولاتىن.
