جىبەك جولى تەلەارناسى «قايىرى مول قادىر ءتۇنى» ارنايى جوباسىن ۇسىنادى

استانا. قازاقپارات - ايلاردىڭ سۇلتانى - رامازان، تۇندەردىڭ قايىرلىسى - قادىر ءتۇنى. وسىعان وراي، بۇگىن «Jibek Joly» تەلەارناسى «قايىرى مول قادىر ءتۇنى» ارنايى جوباسىن ۇسىنادى، دەپ حابارلايدى قازاقپارات.

قادىر ءتۇنى - كۇللى مۇسىلمان ءۇشىن رامازان ايىندا كەلەتىن ماڭىزدى ءارى قاسيەتتى كەزەڭنىڭ ءبىرى. قازاقستان مۇسىلماندارى ءدىني باسقارماسى بيىلعى ءقادىر ءتۇنىن ءساۋىردىڭ 17 نەن 18 نە قاراعان تۇنىنە بەلگىلەگەن بولاتىن. وسىعان وراي «Jibek Joly» تەلەارناسى بۇگىن تۇنگى ساعات 23:00 دەن 01:00 گە دەيىن «قايىرى مول قادىر ءتۇنى» ارنايى جوباسىن ۇسىنادى. باعدارلامانى نۇرلان يمام بايجىگىت ۇلى جۇرگىزەدى. ەفير بارىسىندا مەشىتتەگى جاماعاتپەن جانە ستۋدياعا ارنايى شاقىرىلعان مەيماندارمەن قادىر ءتۇنىنىڭ قادىر-قاسيەتى، ءمان-ماڭىزى تۋرالى سۇحبات ءوربيتىن بولادى. سونداي-اق، قاسيەتتى مەككەدە قاجىلىقتا جۇرگەن جەرلەستەرىمىزبەن دە تىكەلەي بايلانىسقا شىعۋ جوسپارلانعان.

قايىرى مول قادىر تۇنىندە «Jibek Joly» تەلەارناسى قوسۋلى بولسىن!