قازاقستان اۋعانستاننىڭ گەرات قالاسىندا ساۋدا ءۇيىن اشادى
بۇل تۋرالى ب ا ق وكىلدەرىنىڭ قاتىسۋىمەن وتكەن بريفينگىدە ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.
«ساۋدا جانە ينتەگراتسيا ءمينيسترى سەرىك جۇمانعارين كابۋلعا جۇمىس ساپارى بارىسىندا گەرات قالاسىندا قازاقستاننىڭ جاڭا ساۋدا ءۇيى اشىلاتىنىن مالىمدەدى. جاقىن ارادا ول ءوز جۇمىسىن باستايدى»، - دەدى ايبەك سمادياروۆ ب ا ق وكىلدەرىنىڭ ساۋالىنا جاۋاپ بەرە وتىرىپ.
ول سونداي-اق اۋعانستانمەن ساۋدا-ەكونوميكالىق ىنتىماقتاستىقتىڭ الەۋەتى وتە جوعارى ەكەنىن اتاپ ءوتتى.
«مىسالى، 2022-جىلدىڭ وزىندە ەكىجاقتى ساۋدا كولەمى 1 ميلليارد دوللارعا جەتتى. ارينە، ءبىزدىڭ وندىرۋشىلەر، بيزنەسمەندەر اتالعان ەلگە ەكسپورتتالاتىن تاۋار تۇرلەرىن ودان ءارى كەڭەيتۋگە مۇددەلى»، - دەپ تۇيىندەدى ايبەك سمادياروۆ.
ب ۇ ۇ دەرەگىنشە، اۋعانستان حالقىنىڭ سانى - شامامەن 40 ميلليون بۇل - ءىرى ءارى پەرسپەكتيۆالى نارىق.
