ۇلتتىق ويىندار قازاقستاندىق وقۋشىلاردى تاربيەلەۋ جوسپارىنا ەنگىزىلدى

استانا. قازاقپارارت - ى. التىنسارين اتىنداعى ۇلتتىق ءبىلىم اكادەمياسى تاربيە جۇمىسىن ءتيىمدى ۇيىمداستىرۋ ماقساتىندا ورتا ءبىلىم بەرۋ ۇيىمدارى ءۇشىن جاڭا وقۋ جىلىنا ارنالعان «توعىز اي - توعىز ءىس- شارا» جوسپارىن ۇسىندى، دەپ حابارلايدى قازاقپارات.

«توعىز وقۋ ايى ىشىندە وقۋشىلار توعىز ءتۇرلى ءىس- شارالارعا قاتىسادى. جوسپاردى ىسكە اسىرۋ - ناۋرىز ايىندا وقۋشىلار اراسىندا وتكىزىلگەن «كۇي كۇمبىرى» رەسپۋبليكالىق دومبىراشىلار چەللەندجىنىڭ جالعاسى. بارلىق ءىس- شارالار ۇلتتىق قۇندىلىقتار نەگىزىندە تاربيە پروتسەسىنە ءبىرىڭعاي كوزقاراستى قامتاماسىز ەتۋگە باعىتتالعان»، - دەپ اتاپ ءوتتى ى. التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى مادينا تىنىبايەۆا.

ايتا كەتەيىك، ءىس- شارالار كەلەسى تارتىپتە وتكىزىلەدى:

قىركۇيەك - «سەرگىتۋ ءساتى»

قازان - «ءانۇران ايتۋ»

قاراشا - «اسىق اتۋ»

جەلتوقسان - «شىعارما جازۋ: بولاشاققا حات»

قاڭتار - «قازاق ەسەبى»

اقپان - «وقۋعا قۇشتار مەكتەپ»

ناۋرىز - «دومبىراشىلار»

ءساۋىر - «توعىزقۇمالاق، شاحمات ويىنى»

مامىر - «جاسىل مەكەن».