17:47, 17 - ءساۋىر 2023 | GMT +5
جاڭاوزەندەگى جارىلىس ءۇيىندىسىنىڭ استىندا تاعى ادام بولۋى مۇمكىن بە – ت ج م مالىمەت بەردى
استانا. قازاقپارات - توتەنشە جاعدايلار مينيسترلىگى ورتكە قارسى قىزمەت كوميتەتىنىڭ ءتوراعاسى نۇربولات دەربىسوۆ ورتالىق كوممۋنيكاتسيالار قىزمەتىندە وتكەن بريفينگىدە جاڭاوزەندەگى جارىلىستان قۇلاعان ءۇيدىڭ ءۇيىندىسىن ارشۋ جۇمىستارى اياقتالۋعا جاقىن ەكەنىن ءمالىم ەتتى، دەپ حابارلايدى قازاقپارات ءتىلشىسى.
«قازىر ءۇيىندى استىندا ادام بولۋى مۇمكىن دەپ ايتا الامىز با؟» دەپ سۇرادى ب ا ق وكىلى.
توتەنشە جاعدايلار مينيسترلىگىنىڭ وكىلى ولاي ايتۋعا ءالى ەرتە ەكەنىن ءتۇسىندىردى.
«ەندى ەشتەڭە دەپ ايتا المايمىز. نەگىزىنەن جەردەگى ءۇيىندىنى ارشۋ جۇمىستارى تولىعىمەن اياقتالۋعا جاقىنداپ قالدى. سوندىقتان ءۇيىندى استىندا ادام بولسا، وسى ۋاقىتقا دەيىن سىرتقا شىعاراتىن ەدىك. ياعني، جوق دەسەك، دۇرىس بولادى دەپ ويلايمىن»، - دەدى نۇربولات دەربىسوۆ.
ايتا كەتەيىك، بۇعان دەيىن جاڭاوزەندەگى اپات كەزىندە قازا بولعاندار سانى 4 ادامعا جەتكەنىن جازعان ەدىك.
كەيىن وبلىس پروكۋراتۋراسى جاڭاوزەندەگى جارىلىستىڭ سەبەبىن ايتتى.
