الماتىداعى تۇنگى كلۋبتاردىڭ بىرىندە تانىمال بلوگەر ەسىرتكىمەن ۇستالدى
وتكەن دەمالىس كۇندەرى الماتىنىڭ مەدەۋ اۋدانىندا ورنالاسقان بارلاردىڭ بىرىندە پوليتسيانىڭ ارنايى جاساعى مەن ەق ق ك ب- نىڭ جەدەل قىزمەتكەرلەرى ارنايى ءىس- شارانى جۇرگىزدى. ونى قالالىق پروكۋراتۋرا «ەسىرتكى بيزنەسىمەن كۇرەس» جوباسى اياسىندا ۇيلەستىردى.
«تۇنگى ساعات ەكىدە تۇنگى كلۋبتا 19 جاستاعى ت. ەسىمدى ازامات ۇستالدى، ونىڭ شالبارىنىڭ وڭ قالتاسىنان كوك يزولەنتاعا ورالعان، سينتەتيكالىق زات سالىنعان ءۇش بۋما تابىلدى. جۇمىس نۇسقالارىنىڭ بىرىنە سايكەس، بۇل - مەفەدرون پسيحواكتيۆتى زاتى. ءشوپتىڭ ناقتى تيەسىلىگىن انىقتاۋ ءۇشىن سوت- حيميالىق ساراپتاما تاعايىندالدى. ۇستالعان ازامات ق ر ق پ ك- ءنىڭ 128-بابىنا سايكەس ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ ق ر ق ك- ءنىڭ 297-بابى 1-بولىگى بويىنشا جۇرگىزىلىپ جاتىر»، - دەدى الماتى قالالىق پ د ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
ق پ ك- ءنىڭ 201-بابىنا سايكەس تەرگەۋ مۇددەسىن كوزدەيتىن وزگە دە مالىمەتتەر جاريا ەتۋگە جاتپايدى. كونستيتۋتسيانىڭ 77-بابىنىڭ 3-تارماعىنىڭ 1-تارماقشاسى جانە ق پ ك- ءنىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.
