قازاقستاننىڭ قاي وڭىرلەرىندە ورمان ءورتى ءجيى بولادى
بۇل تۋرالى توتەنشە جاعدايلار مينيسترلىگى ورتكە قارسى قىزمەت كوميتەتىنىڭ ءتوراعاسى نۇربولات دەربىسوۆ ورتالىق كوممۋنيكاتسيالار قىزمەتىندە وتكەن بريفينگىدە ايتتى.
«جىل سايىن ءورت قاۋپى بار كەزەڭدە 1000 عا جۋىق ورمان جانە دالا ءورتى، حالىققا، مۇلىككە جانە تابيعاتقا قاۋىپ توندىرەتىن 4000 عا جۋىق تابيعي ءورت تىركەلەدى. بىلتىر ەلىمىزدىڭ ورمان قورىندا 801 ءورت تىركەلىپ، جالىننان جويىلعان ورمان القابى 103 مىڭ گەكتار بولدى. ورمان ءورتىنىڭ ەڭ كوبى اباي وبلىسىندا (263 جاعداي)، پاۆلودار (150 جاعداي)، شىعىس قازاقستان (77 جاعداي)، اقمولا (72 جاعداي) جانە قوستاناي وبلىستارىندا (57 جاعداي) تىركەلدى»، - دەدى ول.
ونىڭ ايتۋىنشا، 2022 -جىلى 111 ورمان ءورتى تىركەلىپ، اۋدانى 55 مىڭ گەكتارعا جەتكەن.
«سالدارىنان 2 ادام قازا تۋىپ، 3 ادام جاراقات الىپ، 500 باس مال ورتەندى. ەكولوگياعا كەلگەننەن زياننان باسقا مالدىڭ جەمشوپ بازاسى جويىلىپ، دالا ءورتى ەلدىمەكەندەر مەن ورمان قورىنا جانە جەمىس القاپتارىنا ءقاۋىپ ءتوندىردى. مىسالى، 2022 -جىلى ەلدىمەكەندەردىڭ اۋماعىندا تابيعي ءورتتىڭ 17 جاعدايى تىركەلدى»، - دەدى ت ج م وكىلى.
