جاڭاوزەندەگى جارىلىستىڭ سەبەبى بەلگىلى بولدى
بۇل تۋرالى ماڭعىستاۋ وبلىستىق پروكۋراتۋرانىڭ باسپا ءسوز قىزمەتىنەن ءمالىم ەتتى، دەپ حابارلايدى، قازاقپارات ءتىلشىسى.
«17-ساۋىردە ساعات 4:05 شاماسىندا جاڭاوزەن قالاسى شۇعىلا مولتەك اۋدانىندا ورنالاسقان 2 قاباتتى ۇيدە گازدىڭ تاراۋى سالدارىنان جارىلىس بولدى. وسى فاكتى بويىنشا ماڭعىستاۋ وبلىسى بويىنشا ت ج د- مەن بىرگە قىلمىستىق كودەكستىڭ 292-بابىنىڭ 3-بولىگىمەن سوتقا دەيىنگى تەرگەپ- تەكسەرۋ باستالدى»، - دەلىنگەن باسپا ءسوز مالىمەتىندە.
اتالعان ءىس بويىنشا وبلىس پروكۋراتۋراسىمەن پروتسەستىك پروكۋرورلار توبى ايقىندالىپ، وبلىستىق توتەنشە جاعدايلار جانە پوليسيا دەپارتامەنتتەرى باسشىلارىنىڭ بىرلەسكەن بۇيرىعى نەگىزىندە ۆەدومستۆوارالىق جەدەل- تەرگەۋ توبى قۇرىلدى.
سوتقا دەيىنگى تەرگەپ- تەكسەرۋ وبلىس پروكۋراتۋراسىنىڭ باقىلاۋىندا. تەرگەۋ ارەكەتتەرى جالعاسىپ جاتىر.
وسىعان دەيىن قىلمىستىق ءىس قوزعالىپ، 4 ادام قازا تاپقانىن جازعان ەدىك.
