الماتىدا ءبىرقاتار شاعىن اۋدان سۋىق سۋدان اجىراتىلادى

الماتى. قازاقپارات - الماتى قالاسىنىڭ بوستاندىق اۋدانىنداعى ءبىرقاتار تۇرعىن ۇيلەر مەن نىساندار تاڭنان كەشكە دەيىن سۋىق سۋدان اجىراتىلادى.

بۇل تۋرالى «الماتى سۋ» م ك ك باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

ۆەدومستۆونىڭ مالىمەتىنشە، 18-ءساۋىر كۇنى ساعات 9.00 دەن 18.00 گە دەيىن بوستاندىق اۋدانىنىڭ اۋماعىندا، ياعني، كەكىلبايەۆ - ۆيتەبسكايا - گاگارين - ليەۆيتان كوشەلەرىندە، سونداي- اق «باعاناشىل -2»، «قازاقفيلم»، «نۇر الاتاۋ» شاعىن اۋداندارىندا ورنالاسقان تۇرعىن ۇيلەر مەن نىساندار سۋىق سۋدان اجىراتىلادى.

«سۋىق سۋدان اجىراتۋ سەبەبى - جاڭا سۋ قۇبىرىنىڭ ماگيسترالدىق جەلىلەرىنە قوسىلۋ ءۇشىن جاسالىپ وتىر. سۋدان اجىراتۋ كەزىندە دەنساۋلىق ساقتاۋ، ءبىلىم بەرۋ جانە الەۋمەتتىك سالانىڭ وزگە دە نىساندارىنا سۋ اۆتوتسيستەرنالارمەن جەتكىزىلەدى. ۋاقىتشا قولايسىزدىقتارعا تۇسىنىستىكپەن قاراۋدى سۇرايمىز»، - دەپ حابارلادى «الماتى سۋ» م ك ك باسپا ءسوز قىزمەتى.