مۇحامەدي ۇلىنا قاتىستى ءىس بويىنشا سوتقا تۇڭعىشباي جامانقۇلوۆ شاقىرتىلۋى مۇمكىن
ايتا كەتەيىك، بۇگىن استانادا ارىستانبەك مۇحامەدي ۇلىنىڭ ىسىنە قاتىستى سوت باستالدى.
«سوتقا تۇڭعىشباي جامانقۇلوۆتى شاقىرۋ تۋرالى ءوتىنىشىم بار. بۇل ءىستى تەرگەۋ كەزىندە ونىڭ مالىمدەمەسى قامتىلعان ەدى. ول بۇقارالىق اقپارات قۇرالدارىندا ا. مۇحامەدي ۇلىمەن بايلانىسىم تۋرالى جاريالادى. ياعني، بۇل تۇرعىدا جالعان اقپارات بەردى. سوندىقتان ءوز مالىمدەمەسىن ءتۇسىندىرسىن. وسى ورايدا ونى سوت وتىرىسىنا كۋاگەر رەتىندە شاقىرتقىمىز كەلەدى»، - دەدى ا. كوشەنوۆ ەلوردادا ءوتىپ جاتقان سوت وتىرىسى كەزىندە.
ءوز كەزەگىندە پروكۋرور اكتەر ت. جامانقۇلوۆتى سوتقا شاقىرتۋعا نەگىز جوق ەكەنىن ايتتى.
جاقىندا بيۋدجەت قاراجاتىن تالان- تاراجعا سالۋ ايىبى تاعىلعان ا. مۇحامەدي ۇلى، ا. نۇرازحان، ا. كوشەنوۆ جانە ا. سادۋاقاسوۆانى ايىپتاۋ بويىنشا قىلمىستىق ءىس بايقوڭىر اۋداندىق №2-سوتىنا ءتۇستى.
