قازاقستان اۋعانستانعا بەرگەن گۋمانيتارلىق جۇكتىڭ قۇرامىندا نە بار
بۇعان دەيىن حابارلاعانىمىزداي، پرەمەر-ءمينيستردىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعارين گۋمانيتارلىق جانە ساۋدا ميسسياسىمەن كابۋلعا باردى.
ءمالىم ەتىلگەندەي، گۋمانيتارلىق جۇك قۇرامىنا دارىلىك پرەپاراتتار مەن ازىق- تۇلىك ەنگەن.
ءدارى-دارمەك قوراپتارى اۋە جولى ارقىلى جەتكىزىلسە، جالپى كولەمى 5403 توننانى قۇرايتىن (81 ۆاگون) نەگىزگى گۋمانيتارلىق جۇك تەمىرجول كولىگىمەن جونەلتىلدى.
گۋمانيتارلىق كومەك ازىق-تۇلىك ونىمدەرىنەن (ءسۇت كونسەرۆىلەرى، وسىمدىك مايى، ۇن، قاراقۇمىق) تۇرادى.
«پرەزيدەنت تاپسىرماسى بويىنشا ءبىز قازاقستان حالقى اتىنان اۋعانستانعا گۋمانيتارلىق كومەك جەتكىزۋ ءۇشىن كەلدىك. گۋمانيتارلىق ميسسيامىز قاسيەتتى رامازان ايىنا تۇسپا- تۇس كەلىپ وتىر. وسىناۋ مۇسىلمداندار ءۇشىن بەرەكەلى ۋاقىتتا بارشاعا بەيبىتشىلىك پەن تىنىشتىق تىلەيمىز»، - دەدى سەرىك جۇمانعارين.
اۋعانستانعا ساپارى اياسىندا سەرىك جۇمانعارين ساۋدا جانە ونەركاسىپ، سىرتقى ىستەر، بايلانىس جانە تەلەكوممۋنيكاتسيا مينيسترلەرىنىڭ مىندەتىن اتقارۋشى، ۆيتسە-پرەمەر مىندەتىن اتقارۋشى ابدۋل گاني بارادارمەن كەزدەستى.
